ترشاوہ پھلوں کو ٹہنی کیساتھ تیز قینچی سے توڑا جائے تو وہ زیادہ دیر تک اپنی تازگی برقرار رکھ سکتے ہیں، سٹرس ریسرچ انسٹی ٹیوٹ

جمعہ 21 فروری 2025 14:46

فیصل آباد (اُردو پوائنٹ اخبارتازہ ترین - اے پی پی۔ 21 فروری2025ء) حکومت باغبانوں اور کاشتکاروں کو ہر ممکن سہولیات کی فراہمی کیلئے ہمہ وقت کوشاں ہے جبکہ ان کی رہنمائی، مشاورت، معلومات، اطلاعات وغیرہ کیلئے بھی تمام اقدامات کو یقینی بنایا جا رہا ہے لہٰذا اگر باغبان اور کاشتکار ماہرین زراعت کی سفارشات پر عملدرآمد کریں تو اعلیٰ کوالٹی کا پھل حاصل کیا جا سکتا ہے جس سے نہ صرف اندرون ملک فروخت بلکہ بیرون ملک ایکسپورٹ کے ذریعے کاشتکار و باغبان بھاری مالی منافع حاصل کر سکتے ہیں۔

(جاری ہے)

سٹرس ریسرچ انسٹی ٹیوٹ کے ترجمان نے کہا کہ باغبانوں اور کاشتکاروں کو ترشاوہ پھلوں کی برداشت جدید طریقے سے کرنی چاہیے تاکہ پھل ضائع ہونے کا خدشہ نہ رہے۔انہوں نے کہا کہ پھل کو صحیح حالت میں اور ٹھیک طریقے سے توڑنا چاہیے۔ انہوں نے کہا کہ فصل کی برداشت سے پہلے پھل کی پختگی کا بھی تعین کر لینا چاہیے اور ترشاوہ پھل اس وقت توڑنا چاہیے جب اس میں مٹھاس کی مناسب مقدار موجود ہو۔ انہوں نے کہا کہ اگر ہاتھوں سے توڑنے کی بجائے ترشاوہ پھلوں کو ٹہنی کے ساتھ تیز قینچی سے توڑا جائے تو وہ زیادہ دیر تک اپنی تازگی، لذت، ذائقہ اور کوالٹی برقرار رکھ سکتے ہیں۔

Facebook Twitter Google + Share on Whatsapp

ترشاوہ پھلوں کو ٹہنی کیساتھ تیز قینچی سے توڑا جائے تو وہ زیادہ دیر تک اپنی تازگی برقرار رکھ سکتے ہیں، سٹرس ریسرچ انسٹی ٹیوٹ

مزید زراعت کی خبریں