کرپٹو کرنسی اسکینڈل پر تمنا بھاٹیہ نے خاموشی توڑ دی

کرپٹو کرنسی سکینڈل میں میرے ملوث ہونے کی افواہیں غلط ہے، میں غیر قانونی سرگرمیوں میں ملوث نہیں، بیان

ہفتہ 1 مارچ 2025 10:40

ممبئی(اُردو پوائنٹ اخبارتازہ ترین - این این آئی۔ 01 مارچ2025ء)ساؤتھ انڈین اور بالی ووڈ کی معروف اداکارہ تمنا بھاٹیہ نے کرپٹو کرنسی سکینڈل سے متعلق زیر گردش خبروں پر خاموشی توڑ دی۔بھارتی میڈیا رپورٹس کے مطابق تمنا بھاٹیہ کا نام 2.4کروڑ بھارتی روپے کے کرپٹو کرنسی فراڈ میں سامنے آ رہا تھا۔

(جاری ہے)

مختلف ذرائع کی جانب سے یہ خبریں سامنے آ رہی تھی کہ اداکارہ تمنا بھاٹیہ اور کاجل اگروال سے 2.4کروڑ بھارتی روپے کے کرپٹو کرنسی فراڈ کے سلسلے میں تفتیش کی جائے گی تاہم اب تمنا بھاٹیہ نے ان گردش کرنے والی خبروں پر لب کشائی کی ہے۔

اداکارہ نے زیر گردش خبروں کو افواہ قرار دیتے ہوئے انہیں مسترد کر دیا ہے۔انہوں نے جاری کیے گئے بیان میں کہا کہ میرے علم میں یہ بات آئی ہے کہ کرپٹو کرنسی سکینڈل میں میرے ملوث ہونے کی افواہیں پھیلائی جا رہی ہیں، جو کہ غلط ہے، میں غیر قانونی سرگرمیوں میں ملوث نہیں، میری درخواست ہے کہ بے بنیاد اور ایسی جعلی، گمراہ کن خبریں اور افواہیں نہ پھیلائیں۔تمنا بھاٹیہ نے بتایا کہ میری ٹیم ضروری قانونی کارروائی کیلئے صورت حال کا جائزہ لے رہی ہے۔