فیصل آباد چیمبر کے زیر اہتمام فیملی گالا 6 اپریل کو منعقد ہوگا

پیر 3 مارچ 2025 16:41

فیصل آباد (اُردو پوائنٹ اخبارتازہ ترین - اے پی پی۔ 03 مارچ2025ء) فیصل آباد چیمبر آف کامرس اینڈانڈسٹری کے سینئر نائب صدر قیصر شمس گچھا نے کہا ہے کہ فیصل آباد کے 20نامور کھلاڑیوں کی فہرست مرتب کی جائے گی جنہیں 6اپریل کومنعقد ہونے والے فیملی گالا میں انعامات سے نوازا جائے گا۔ انہوں نے چیمبر کی سپورٹس بارے قائمہ کمیٹی کے اجلاس سے خطاب کرتے ہوئے کہا کہ کھیل صحت مند نسل کو پروان چڑھانے کے لئے ضروری ہے اس لئے ہمیں نوجوانوں کو کھیلوں میں حصہ لینے کی ترغیب دینا ہو گی۔

(جاری ہے)

انہوں نے کہا کہ ہمیں مختلف ایسوسی ایشنز کے ساتھ دوستانہ میچوں کا اہتمام کرنا چاہیے جبکہ کھیلوں کی سرگرمیوں میں اضافہ میں قائمہ کمیٹی کے ممبران کی تعداد کو بھی بڑھایا جائے گا۔ انہوں نے کبڈی کے کھلاڑیوں کو بھی کمیٹی میں شامل کرنے پر زور دیاتاکہ اس روایتی کھیل کی بھی مؤثر طور پر سرپرستی کی جا سکے۔کنوینرعامر اسلام نے کہا کہ فیصل آباد چیمبر کھیلوں کے فروغ کے لئے سی ایس آر کے فنڈ کو خر چ کر رہی ہے جبکہ6 اپریل کو فیملی گالا ہو گا جس میں بڑی تعداد میں ان ڈور گیمزکا انعقاد کیا جائے گا۔