حبا بخاری اور آریز احمد نے نادیہ خان سے تنازع پر خاموشی توڑ دی

کچھ باتیں آپ کی اپنی ہوتی ہیں جو آپ خود دنیا کو بتانا چاہتے ہیں، آریز

جمعرات 6 مارچ 2025 22:51

حبا بخاری اور آریز احمد نے نادیہ خان سے تنازع پر خاموشی توڑ دی

کراچی(اُردو پوائنٹ اخبارتازہ ترین - آن لائن۔ 06 مارچ2025ء) خوبرو اداکارہ حبا بخاری اور ان کے شوہر آریز احمد نے نادیہ خان سے متعلق تنازع پر خاموشی توڑ دی۔حبا بخاری اور آریز احمد نے حال ہی میں ایک نجی ٹی وی کے پروگرام میں گفتگو کرتے ہوئے نادیہ خان کے تنازع پر بات کی جس کا مداحوں کو بے صبری سے انتظار تھا کیونکہ اس تنازع کا سوشل میڈیا پر بھی خوب چرچا ہوا تھا۔

نادیہ خان نے حبا بخاری کے حمل کی خبر کا اعلان ان سے پہلے ہی کر دیا تھا اور انہیں کسی اداکارہ کی نجی خبرشیئر کرنے پر کافی تنقید کا سامنا کرنا پڑا تھا۔آریز احمد نے اس تنازع پر بات کرتے ہوئے کہا کہ انڈسٹری میں تقریبا ہر کوئی جانتا تھا کہ والدین بننے والے تھے لیکن ان لوگوں کے پاس شائستگی ہے کہ وہ خود سے آگے بڑھ کر اس خوشخبری کو شیئر نہ کریں، اسی طرح نادیہ خان بھی سب کی طرح جانتی تھیں مگر انہوں نے اس بات کا اعلان ٹیلی ویژن پر کردیا۔

(جاری ہے)

آریز احمد نے نادیہ خان کو آڑے ہاتھوں لیتے ہوئے کہا کہ کچھ باتیں آپ کی اپنی ہوتی ہیں جو آپ خود دنیا کو بتانا چاہتے ہیں، اس موقع پر حبا بخاری نے ہم ایوارڈز کے تنازع کے بارے میں بھی بات کی اور بتایا کہ جب وہ حاملہ تھیں تو انہیں کس طرح تنقید کا نشانہ بنایا گیا۔اداکارہ کا حمل کے دوران ایوارڈز کی تقریب میں پہنے گئے اپنے لباس پر کہنا تھا کہ ہر کسی کی اپنی رائے ہوتی ہے اور شاید لوگوں کو تکلیف ہوتی ہے لیکن وہ صرف اپنے آپ کو دیکھتی ہیں اور کسی کی رائے پر فوکس نہیں کرتیں۔آریز احمد نے اہلیہ حبا بخاری کا دفاع کرتے ہوئے کہا کہ عورت کا حاملہ ہونا فطری بات ہے اور لوگوں کو اس سے اسی طرح نمٹنے کی ضرورت ہے۔