سنجے دت نے بالی ووڈ انڈسٹری کا رازفاش کردیا

میری فلم کو ویسا پروموشنل سپورٹ نہیں مل رہا جیسا کہ ملنا چاہیے، بھارتی سپرسٹار

جمعرات 1 مئی 2025 19:32

سنجے دت نے بالی ووڈ انڈسٹری کا رازفاش کردیا

ممبئی (اُردو پوائنٹ اخبارتازہ ترین - آن لائن۔ 01 مئی2025ء) بالی ووڈ کے سپر اسٹار سنجے دت نے ایک حالیہ بیان میں اعتراف کیا ہے کہ بالی ووڈ فلم انڈسٹری اس وقت شدید تقسیم کا شکار ہے، جو ان کے مطابق پہلے کبھی دیکھنے میں نہیں ا?یا۔بھارتی میڈیا رپورٹ کے مطابق 66 سالہ سنجے دت نے موجودہ صورتحال پر افسوس کا اظہار کرتے ہوئے کہا کہ فلم انڈسٹری کو متحد ہو کر کام کرنے کی ضرورت ہے، تاکہ ہر فلم کو برابر کا موقع اور سپورٹ مل سکے۔

سنجے دت نے شکایت کی ہے کہ ان کی فلم کو ویسا پروموشنل سپورٹ نہیں مل رہا جیسا کہ ملنا چاہیے۔

(جاری ہے)

حال ہی میں ایک ایونٹ کے دوران، انہوں نے اپنے نئے گانے ا?ئے رے بابا کا افتتاح کیا، جہاں انہوں نے اپنے دل کی بات کہی۔ انہوں نے سوشل میڈیا پر بھی دکھ کا اظہار کرتے ہوئے لکھا کہ انہیں افسوس ہوتا ہے کہ انڈسٹری اس قدر تقسیم ہو چکی ہے۔ان کا کہنا تھا: ’ہم ایک فیملی تھے اور ہمیشہ رہیں گے، بس راستے سے تھوڑا بھٹک گئے ہیں۔‘یاد رہے کہ سنجے دت اس وقت اپنی ا?نے والی ایکشن کامیڈی فلم ’دی بھوتنی‘ کی پروموشن میں مصروف ہیں، جو یکم مئی کو ریلیز ہو رہی ہے۔ اس فلم میں ان کے ساتھ مونی رائے، پلک تیواڑی اور سنی سنگھ اہم کردار ادا کر رہے ہیں۔