روزہ نہ رکھنے پر محمد شامی پر تنقید اور ہاشم آملہ سے موازنہ، حقیقت کیا ہے

ہفتہ 8 مارچ 2025 22:55

دبئی (اُردو پوائنٹ اخبارتازہ ترین - آن لائن۔ 08 مارچ2025ء)5 مارچ کو بھارت نے آسٹریلیا کے خلاف چیمپئنز ٹرافی 2025 کے سیمی فائنل میں کامیابی حاصل کی۔ اس میچ کے بعد بھارتی فاسٹ بولر محمد شامی کی ایک تصویر سوشل میڈیا پر وائرل ہوئی، جس میں وہ انرجی ڈرنک پیتے ہوئے دکھائی دے رہے تھے۔یہ تصویر رمضان کے مقدس مہینے میں سامنے ا?ئی، جس کے بعد ا?ل انڈیا مسلم جماعت کے صدر مولانا شہاب الدین رضوی بریلوی نے شامی پر روزہ نہ رکھنے کے باعث تنقید کی۔

اس تنقید کے ساتھ ہی صارفین نے محمد شامی کا موازنہ جنوبی افریقہ کے سابق کرکٹر ہاشم ا?ملہ سے کرنا شروع کردیا۔ صارفین کا دعویٰ تھا کہ ہاشم ا?ملہ نے 2012 میں انگلینڈ کے خلاف 311 رنز کی شاندار اننگ روزے کی حالت میں کھیلی تھی، جب کہ شامی نے سیمی فائنل میں صرف 2 اوورز کرنے کے بعد پانی پیا۔

(جاری ہے)

ایک فیس بک صارف نے تصویر کے ساتھ لکھا: ’’انڈیا کا مسلمان محمد شامی روزے کی حالت میں مشروب پی رہا ہے، جب کہ جنوبی افریقہ کے مسلمان ہاشم ا?ملہ نے 311 رنز روزے کی حالت میں بنائے تھے۔

‘‘یہ تنقید اور پوسٹ فوراً وائرل ہوگئی اور سوشل میڈیا پیجز اور واٹس ایپ گروپس میں بھی اسی سے ملتے جلتے میسیجز فارورڈ ہونا شروع ہوگئے۔ اور دعویٰ کیا جانے لگا کہ 22 جولائی 2012 میں جب ہاشم ا?ملہ نے ٹیسٹ کرکٹ میں ٹرپل سینچری بنائی تو وہ اس وقت روزے کی حالت میں تھے۔لیکن کیا یہ دعویٰ درست ہی کیا ہاشم ا?ملہ نے واقعی روزے کی حالت میں یہ تاریخی اننگ کھیلی تھی اس سوال کا جواب جاننے کیلیے ہم نے تحقیقات کی۔

ہاشم ا?ملہ کی 311 رنز کی اننگ 19 جولائی 2012 کو انگلینڈ کے خلاف اوول میں کھیلے گئے ٹیسٹ میچ کی تھی۔ اس سال 19 جولائی کو رمضان کا مہینہ شروع ہوا تھا، لیکن ایس اے کرکٹ میگ کی رپورٹ کے مطابق ا?ملہ نے اس میچ کے دوران روزہ نہیں رکھا تھا۔رپورٹ میں واضح کیا گیا ہے کہ ا?ملہ نے میچ کے دوسرے دن بغیر ا?و?ٹ ہوئے 311 رنز بنائے تھے، لیکن وہ روزے سے نہیں تھے۔دی گارجین کی 12 سال پرانی رپورٹ میں بھی اس بات کی تصدیق کی گئی ہے۔ رپورٹ کے مطابق، ا?ملہ نے کہا تھا کہ وہ سفر کی حالت میں تھے، اس لیے انہوں نے روزہ نہیں رکھا تھا۔ ان کا کہنا تھا، ’’جب میں گھر پہنچوں گا تو روزے کی قضا کر لوں گا۔‘‘