y قومی اسمبلی میں انتہائی نازیبا نعرے لگائے گئے‘قمرزمان کائرہ

پیر 10 مارچ 2025 22:25

اسلام آباد(اُردو پوائنٹ اخبارتازہ ترین - آن لائن۔ 10 مارچ2025ء) رہنما پیپلزپارٹی قمرزمان کائرہ نے کہا ہے کہ قومی اسمبلی میں انتہائی نازیبا نعرے لگائے گئے۔نجی ٹی وی سے گفتگو کرتے ہوئے قمرزمان کائرہ کا کہنا تھا کہ آج جوکچھ ہورہا ہے یہ بھی غلط ہے، ہمارا انتخابی عمل کبھی بھی شفاف نہیں رہا۔

(جاری ہے)

انہوں نے کہا کہ ہم مسلم لیگ (ن) کی حکومت کوبالکل سپورٹ کر رہے ہیں، ملک میں مہنگائی کم اورمعیشت بہترہوئی ہے، صدرمملکت نے خطاب کے دوران حکومت کودرست رائے دی ہے۔قمر زمان کائرہ کا مزید کہنا تھا کہ پانی کا معاملہ بہت حساس ایشوہے، مشترکہ مفادات کونسل کا اجلاس بلانا چاہیے، اگربداعتمادی پیدا ہورہی ہے تو اسے دور کرنا چاہیے، صدرمملکت نے کہا تمام اسٹیک ہولڈرزسے مشاورت کریں۔