ترشاوہ پھلدار پودوں کی پیوندکاری کیلئے وسط مارچ سے اپریل اور اگست کا مہینہ زبردست اہمیت کاحامل ہے،ترجمان سٹرس ریسرچ انسٹی ٹیوٹ

جمعرات 13 مارچ 2025 17:09

فیصل آباد (اُردو پوائنٹ اخبارتازہ ترین - اے پی پی۔ 13 مارچ2025ء) سٹرس ریسرچ انسٹیٹیوٹ آری فیصل آبادنے باغبانوں کو ترشاوہ پھلدار پودوں کی پیوندکاری کے دوران تکونی لکڑی یا کچے گلے استعمال نہ کرنے کی ہدایت کی ہے اورکہاہے کہ چونکہ ترشاوہ پھلوں کے باغات کی کامیابی کا 100فیصد انحصار صحت منداور صحیح النسل پودوں پر ہوتاہے اسلئے پیوندکاری کاطریقہ اور پیوندی لکڑی کادرست انتخاب پودوں کی برھوتری پر گہرااثر چھوڑتاہے۔

انہوں نے کہاکہ پیوندی لکڑی صرف ان پودوں سے لینی چاہیے جو صحت مند اور اچھی پیداوار کے حامل ہوں اور انہی پودوں کی صرف پیوندی لکڑی لی جائے جن پر پھل اچھے اور ایک جیسی قد وقامت کے ہوں۔ انہوں نے بتایاکہ وسط مارچ سے اپریل اور اگست کا مہینہ پودوں کی پیوندکاری کیلئے زبردست اہمیت کاحامل ہے۔

(جاری ہے)

انہوں نے کہاکہ پیوندی لکڑی کے استعمال کے دوران خیال رکھاجائے کہ یہ لکڑی گول ہو اور اس پر سفید دھاریاں ہونا بھی ضروری ہے جبکہ اس کی موٹائی پنسل سے کم نہیں ہونی چاہیے۔

انہوں نے کہاکہ پیوندی لکری کی عمر 9 سے 12 ماہ تک ہونابھی ضروری ہے تاہم کانٹے دار پیوندی لکڑی کے استعمال سے گریز کرناچاہیے۔انہوں نے بتایاکہ اگر پیوندی لکڑی کے چشموں کا پھٹاؤ ہو گیاہو تو اس لکڑی کاانتخاب نہیں کرناچاہیے کیونکہ وہ پیوند کے قابل نہیں رہتی۔

Facebook Twitter Google + Share on Whatsapp

ترشاوہ پھلدار پودوں کی پیوندکاری کیلئے وسط مارچ سے اپریل اور اگست کا مہینہ زبردست اہمیت کاحامل ہے،ترجمان سٹرس ریسرچ انسٹی ٹیوٹ

مزید زراعت کی خبریں