گوشت کی بہتر پیداوار کے لئے دن میں 4مرتبہ مویشیوں کو تازہ پانی و افر مقدارمیں فراہم کرنے کی ہدایت

جمعہ 14 مارچ 2025 15:33

سیالکوٹ (اُردو پوائنٹ اخبارتازہ ترین - اے پی پی۔ 14 مارچ2025ء) ایڈیشنل ڈائریکٹر محکمہ لائیو سٹاک و ڈیری ڈویلپمنٹ سیالکوٹ ڈاکٹر محمد وسیم نے بتایا کہ پینے کا تازہ و صاف پانی جس طرح انسانی صحت کیلئے انتہائی مفید ہے وہیں جانوروں، مویشیوں اور پرندوں بالخصوص دودھ دگوشت دینے والے جانوروں پر بھی اس کے مثبت اثرات مرتب ہوتے ہیں لہٰذا اگر دودھ دینے والی گائے و بھینس کو روزانہ 45 لیٹراور خشک گائے و بھینس کو بھی 45لیٹر پینے کاتازہ پانی فراہم کیا جائے تو اس کی روزانہ دودھ و گوشت کی پیداوار20فیصد تک بڑھ سکتی ہے جبکہ مرغیوں کیلئے بھی 24گھنٹے کے دوران آدھا لیٹر اور بھیڑ بکریوں کیلئے دن میں کم از کم 7لیٹر پینے کاپانی فراہم کرنا بھی ضروری ہے۔

اے پی پی سے بات چیت کے دوران انہوں نے مویشی پال حضرات کو ہدایت کی کہ وہ دن میں 4مرتبہ باڑوں کے اندر مویشیوں و جانوروں کو تازہ پانی و افر مقدارمیں فراہم کریں تاکہ دودھ اور گوشت کی پیداوارمیں خاطر خواہ اضافہ یقینی ہوسکے۔

(جاری ہے)

انہوں نے کہاکہ گائے وبھینس سمیت دودھ دینے والے دیگر مویشیوں و جانوروں کو متوازن غذا اور تازہ پانی فراہم کرکے دودھ کی یومیہ پیداوار میں اضافہ کیاجا سکتاہے وہیں مویشی پال حضرات جانوروں کو حفاظتی ویکسین کے ٹیکے لگوانے میں بھی کسی تساہل کامظاہرہ نہ کریں تاکہ مویشیوں وجانوروں کی دودھ و گوشت کی صلاحیت متاثر نہ ہوسکے اور عوام الناس کو حفظان صحت کے اصولوں کے مطابق صحت مند دودھ و گوشت کی فراہمی بھی ممکن ہو سکے۔

انہوں نے بتایاکہ مویشیوں کی جس قدر بہتر نگہداشت کی جائے وہ اسی قدر بہتر افزائش پاتے اور زیادہ پیداوار فراہم کرتے ہیں۔انہوں نے بتایاکہ جس طرح عام انسان کیلئے تازہ پانی انتہائی اکسیر کی حیثیت رکھتاہے بالکل اسی طرح مویشیوں و جانوروں میں بھی پانی کی اہمیت و افادیت سے انکار ممکن نہیں۔

Facebook Twitter Google + Share on Whatsapp

گوشت کی بہتر پیداوار کے لئے دن میں 4مرتبہ مویشیوں کو تازہ پانی و افر مقدارمیں فراہم کرنے کی ہدایت

متعلقہ عنوان :

مزید زراعت کی خبریں