پاکستان اسٹاک ایکسچینج: کاروبار کا اختتام، 663 پوائنٹس کا اضافہ

پیر 17 مارچ 2025 20:07

کراچی (اُردو پوائنٹ اخبارتازہ ترین - این این آئی۔ 17 مارچ2025ء)پاکستان اسٹاک ایکسچینج میں کاروباری ہفتے کے پہلے دن پیر کو کاروبار کا مثبت رجحان رہا۔بازارِ حصص کا 100 انڈیکس 663 پوائنٹس کے اضافے سے 1 لاکھ 16 ہزار 199 پر بند ہوا ہے۔

(جاری ہے)

کاروباری ہفتے کے پہلے دن 100 انڈیکس 743 پوائنٹس کے بینڈ میں رہا۔بازار میں 50.75 کروڑ شیئرز کے سودے 34.10 ارب روپے میں طے ہوئے۔مارکیٹ کیپٹلائزیشن 384 ارب روپے سے بڑھ کر 14 ہزار 510 ارب روپے ہے۔گزشتہ کاروباری ہفتے کے اختتام پر 100 انڈیکس 1 لاکھ 15 ہزار 536 پوائنٹس پر بند ہوا تھا۔