ٹیکسٹائلز کی برآمدات میں 8 ماہ کے دوران 9.33فیصد اضافہ

منگل 18 مارچ 2025 10:50

اسلام آباد (اُردو پوائنٹ اخبارتازہ ترین - اے پی پی۔ 18 مارچ2025ء) ٹیکسٹائلز کی قومی برآمدات میں رواں مالی سال کے دوران 9.33فیصد اضافہ ہوا ہے۔ ادارہ برائے شماریات پاکستان (پی بی ایس ) کے اعدادوشمارکےمطابق جاری مالی سال میں جولائی 2024تا فروری 2025کے دوران ٹیکسٹائلز کے شعبہ کی برآمدات کا حجم 12.18ارب ڈالرتک پہنچ گیا جبکہ گزشتہ مالی سال کے اسی عرصہ کے دوران شعبہ کی برآمدات سے 11.14ارب ڈالر کا زرمبادلہ کمایا گیا تھا۔

اس طرح گزشتہ مالی سال کے مقابلہ میں رواں مالی سال کے ابتدائی آٹھ ماہ کے دوران ٹیکسٹائلز کی ملکی برآمدات میں 1.04ارب ڈالر یعنی 9فیصد سے زائد کا اضافہ ہوا ہے۔ پی بی ایس کے مطابق جاری مالی سال کے دوران ٹیکسٹائل کی برآمدات میں مسلسل اضافے کا رجحان رہا ہے اور اگست 2024 میں ٹیکسٹائل کی شعبہ کی برآمدات میں 13فیصد، ستمبر 17.92فیصد ، اکتوبر 13.11 فیصد، نومبر10.81، دسمبر5.55، جنوری 2025 میں 15.85 اور فروری میں 0.44فیصد کی ماہانہ بڑھوتری ریکارڈ کی گئی ہے۔

(جاری ہے)

پی بی ایس کی رپور ٹ کے مطابق رواں مالی سال کےدوران تیار ملبوسات کی برآمدات میں بالحاظ مالیت 19.94فیصد،نٹ ویئرز17.08 اور بیڈویئرزمیں 13.11فیصد اضافہ ہوا ہے۔ اسی طرح تولیہ کی برآمدات میں 5.59فیصدجبکہ سوتی کپڑے کی برآمدات میں 1.48فیصد کی بڑھوتری ریکارڈ کی گئی ہے۔رپورٹ کے مطابق رواں مالی سال میں مجموعی قومی برآمدات میں 8.45فیصد کے اضافہ سے برآمدات کی مالیت گزشتہ مالی سال کی 20.35ارب ڈالرکے مقابلے میں 22.07ارب ڈالر تک بڑھ گئی۔\395

Facebook Twitter Google + Share on Whatsapp

ٹیکسٹائلز کی برآمدات میں 8 ماہ کے دوران 9.33فیصد اضافہ

متعلقہ عنوان :

مزید تجارتی خبریں