سیالکوٹ،مسور کی اچھی پیداوار کے لئے فصل کو نقصان رسا ں کیڑوں کے حملہ سے محفوظ رکھنے کی ہدایت

منگل 18 مارچ 2025 11:52

سیالکوٹ (اُردو پوائنٹ اخبارتازہ ترین - اے پی پی۔ 18 مارچ2025ء) محکمہ زراعت (پلانٹ پروٹیکشن)سیالکوٹ نے کاشتکاروں نے مسورکے کاشتکاروں کو ہدایت کی ہے کہ وہ اچھی پیداوار کے حصول کے لئے فصل کو نقصان رسا ں کیڑوں کے حملہ سے محفوظ رکھیں تاکہ انہیں بھرپور مالی فائدہ حاصل ہوسکے۔ڈائریکٹر پیسٹ وارننگ و کوالٹی کنٹرول آف پیسٹی سائیڈز ڈاکٹر مقصود احمد نے بتایا کہ ٹوکا اگتی ہوئی مسورکی فصل کے چھوٹے پودوں کو کاٹ کر کھاتاہے جس سے پیداواربری طرح متاثرہوتی ہے۔

(جاری ہے)

انہوں نے بتایاکہ چورکیڑے کی سنڈیاں دن کے وقت پودوں کے قریب چھپی رہتی ہیں اور رات کو چھوٹے پودوں کو کاٹ کر فصل کا نقصان کرتی ہےں۔انہوں نے کہا کہ ان کے انسداد کے لئے ناقابل استعمال سبزیات کاٹ کر شام کو ڈھیریوں کی صورت میں رکھ دی جائیں اورصبح ہوتے ہی ان ڈھیریوں کے نیچے چھپی ہوئی سنڈیوں کو تلف کردیاجائے۔انہوں نے کہا کہ فصل کے اگنے سے کٹائی کے مرحلہ تک کسی بھی وقت دیمک کا حملہ ہوسکتاہے اوردیمک پودوں کی جڑوں پر حملہ آورہوتے ہوئے زمین میں سرنگیں بنالیتی ہیں ۔