کوہلی کی سخت تنقید کے بعد بی سی سی آئی کا فیملی پالیسی پر یوٹرن

بدھ 19 مارچ 2025 17:20

نئی دہلی (اُردو پوائنٹ اخبارتازہ ترین - این این آئی۔ 19 مارچ2025ء)ویرات کوہلی نے کرکٹرز کی فیملی کیلیے بنائی گئی بھارتی بورڈ کی پالیسی پر سخت تنقید کی تھی جس کے بعد حکام نے اس پر غور شروع کردیا ہے۔گزشتہ دنوں بھارت کے سپراسٹار بلے باز ویرات کوہلی نے بی سی سی آئی کے دوروں پر فیملی کو ساتھ لے جانے کے قانون کے بارے میں اپنے خدشات کا اظہار کیا تھا، کوہلی نے لکھا تھا کہ ’مجھے نہیں لگتا کہ لوگوں کو یہ سمجھ نہیں ہے کہ فیملی کی کیا اہمیت ہے، میں اس کے بارے میں کافی مایوسی محسوس کرتا ہوں۔

’ان کا کہنا تھا کہ وہ لوگ جن کا اس پر کوئی کنٹرول نہیں ہے کہ کیا ہورہا ہے انھیں ایک طرح سے گفتگو کی جاسکتی ہے اور چیزیں سامنے لائی جاسکتی ہیں۔بعد ازاں بھارتی کرکٹر کی اہلیہ انوشکا شرما نے بھی ایک معنی خیز پوسٹ شیئر کی تھی جس میں نانھوں نے ’آپ‘ کے خیال پر بات کی ہے۔

(جاری ہے)

انسٹاگرام اسٹوریز میں انہوں نے لکھا کہ ’آپ ایک مختلف ورژن پر اس شخص کے ذہن میں موجود ہے جو آپ کو جانتا ہے، جس شخص کو آپ ’خود‘ سمجھتے ہیں وہ صرف آپ کے لیے موجود ہے۔

’یہاں تک کہ آپ واقعی نہیں جانتے کہ وہ کون ہے، ہر وہ شخص جس سے آپ ملتے ہیں، اس سے رشتہ رکھتے ہیں، ان کے سروں میں ’آپ کا ایک ورژن ہوتا ہے۔بھارتی سیلیبریٹیز کی ان پوسٹوں کے بعد انڈیا ٹوڈے کی ایک رپورٹ میں بتایا گیا ہے کہ کھلاڑی اب بورڈ سے اجازت مانگ سکتے ہیں کہ وہ اپنے اہل خانہ کو دوروں پر مزید ساتھ رکھ سکیں۔بھارتی بورڈ کے ذرائع کے حوالے سے بتایا گیا کہ اگر کرکٹرز چاہتے ہیں کہ ان کے اہل خانہ دوروں پر زیادہ وقت ان کے ساتھ رہیں تو اس سلسلے میں کھلاڑی اجازت کے لیے درخواست دے سکتے ہیں بی سی سی آئی فیصلہ کرے گا جیسا وہ مناسب سمجھے گا۔