آسٹریلوی کرکٹربھی فلسطین میں شہادتوں پر بول اٹھے

بغیر کسی وجہ معاہدہ توڑ کر ایک دن میں 130 سے زائد بچوں کو شہید کردیا گیا،عثمان خواجہ

بدھ 19 مارچ 2025 22:44

آسٹریلوی کرکٹربھی فلسطین میں شہادتوں پر بول اٹھے

سڈنی (اُردو پوائنٹ اخبارتازہ ترین - آن لائن۔ 19 مارچ2025ء)قابض اسرائیلی ریاست کے غزہ میں انسانیت سوز مظالم پر آسٹریلوی کرکٹر عثمان خواجہ بھی خاموش نہ رہ سکے۔اپنے سوشل میڈیا اکاونٹ پر جاری کردہ پیغام میں آسٹریلوی کرکٹر عثمان خواجہ نے لکھا کہ بغیر کسی وجہ جنگ بندی معاہدے کو توڑ کر ایک دن میں 130 سے زائد بچوں کو شہید کردیا گیا۔

(جاری ہے)

عثمان خواجہ نے لکھا کہ تصور کریں کہ اگر یہ سب مخالف طرف سے ہوتا تو پھر کتنے غصے کا اظہار کیا جاتا، تمام زندگیاں برابر نہیں ہیں، یہ بچے بس تاریخ میں نمبرز بن کر رہ جائیں گے۔

انہوں نے لکھا کہ ان کے بھی نام ہیں، مائیں، باپ، بہنیں اور بھائی ہیں جیسا کہ آپ کے ہیں، ہم اس بربریت کو معمولی نہیں بناسکتے لیکن مجھے خدشہ ہے کہ ہم پہلے ہی کرچکے ہیں۔عثمان خواجہ نے مزید لکھا کہ مجھے بالکل یقین نہیں آ رہا ہے کہ یہ اب بھی ہورہا ہے۔واضح رہے کہ یہ پہلا موقع نہیں کہ عثمان خواجہ نے فلسطینیوں سے اظہارِ یکجہتی کیا ہو ماضی میں عثمان خواجہ اسرائیلی مظالم پر کڑی تنقید کرتے رہے ہیں۔