مقبوضہ کشمیر، بدھل پراسرار اموت کی ’سی بی آئی‘ کے ذریعے تحقیقات کا مطالبہ

بدھ 19 مارچ 2025 23:20

سرینگر (اُردو پوائنٹ اخبارتازہ ترین - این این آئی۔ 19 مارچ2025ء)بھارت کے غیر قانونی زیر قبضہ جموں و کشمیر کی نام نہاد اسمبلی کے ارکان نے ضلع راجوری کے بدھل میں ہونے والی پراسرار اموات کی سی بی آئی سے تحقیقات کا مطالبہ کیا ہے ۔کشمیرمیڈیاسروس کے مطابق بدھل سے رکن اسمبلی جاوید اقبال چودھری نے پر اسرار اموت کا معاملہ اٹھاتے ہوئے کہا کہ علاقے سے جمع کیے گئے نمونوں میں مختلف زہریلے مادے پائے گئے ہیں۔

(جاری ہے)

انہوں نے کہا کہ ہلاکتیں ایک بڑی سازش کا حصہ ہیں۔انہوں نے کہا کہ ان اموات کو کولگام اور کٹھوعہ کے واقعات سے الگ نہیں دیکھا جانا چاہئے، یہ امن کو خراب کرنے کی کوشش معلوم ہوتی ہے۔جاوید اقبال نے معاملے کی سینٹرل بیورو آف انویسٹی گیشن سے تحقیقات کا مطالبہ کیا۔ایم ایل اے سورنکوٹ چودھری محمد اکرم نے سی بی آئی کے ذریعے تحقیقات کے مطالبہ کی حمایت کی۔ سی پی آئی ایم ایم ایل اے محمد یوسف تاریگامی نے بھی تشویش کا اظہار کرتے ہوئے کہا کہ ان اموات کے پیچھے نادیدہ ہاتھوں کو بے نقاب کیا جانا چاہیے۔