بھارت میں یوٹیوب ویڈیو دیکھ کراپنی سرجری خود کرنے والا شہری ہسپتال داخل

ہفتہ 22 مارچ 2025 14:18

نئی دہلی (اُردو پوائنٹ اخبارتازہ ترین - اے پی پی۔ 22 مارچ2025ء) بھارت کی ریاست اتر پردیش میں ’یوٹیوب ویڈیو دیکھ کر‘ اپنی سرجری خود کرنے والا شہری ہسپتال منتقل کر دیا گیا۔انڈیا ٹوڈے کے مطابق بھارت کی ریاست اتر پردیش میں اپنی نوعیت کا ایک انوکھا واقعہ پیش آیا ہے۔ ہسپتال اور ڈاکٹروں کے چکر کاٹنے والے شہری کو پیٹ درد کا آفاقہ نہ ہوا تو یوٹیوب ویڈیوز دیکھ کر خود ہی اپنا پیٹ کاٹ کر آپریشن کی ناکام کوشش کی۔

آپریشن کی ناکام کوشش کرنے والے 32 سالہ راجا بابو کو تشویشناک حالت میں ہسپتال منتقل کر دیا گیا ہے۔ریاست اتر پردیش کے ضلع متھورا سے تعلق رکھنے والے راجا بابو نے یوٹیوب پر مختلف ویڈیوز دیکھنے کے بعد ایک میڈیکل سٹور سے دوائیں، جراحی کے اوزار، ٹانکے لگانے کا سامان اور سُن کرنے کے انجیکشن خریدےاور اپنے کمرے میں آپریشن شروع کیا لیکن کچھ دیر بعد انجیکشن کا اثر ختم ہوتے ہی شدید تکلیف میں مبتلا ہو گئے اور چیخنے لگے۔

(جاری ہے)

ان کی چیخ و پکار سن کر اہل خانہ کو واقعے کا علم ہوا جس کے بعد انہیں فوراً ہسپتال منتقل کیا گیا۔واقعے کی تصدیق کرتے ہوئے راجا بابو کے بھتیجے راہل نے بتایا کہ اس کے چچا نے یوٹیوب ویڈیوز دیکھ کر خود آپریشن کرنے کی کوشش کی۔راہل نے مزید بتایا کہ ’18 سال قبل راجا بابو کی اپنڈکس کی سرجری ہو چکی ہے، تاہم حالیہ دنوں میں وہ دوبارہ پیٹ درد میں مبتلا تھے۔

Facebook Twitter Google + Share on Whatsapp

بھارت میں یوٹیوب ویڈیو دیکھ کراپنی سرجری خود کرنے والا شہری ہسپتال داخل

متعلقہ عنوان :

مزید بین الاقوامی خبریں