بھارتی فاسٹ بولرمحمد سراج کا روہت شرما کو کرارا جواب!

کپتان روہت شرما کا کہنا تھا کہ فاسٹ بولر کو ڈراپ کرنے کے علاوہ کوئی چارہ نہیں تھا

ہفتہ 22 مارچ 2025 21:30

بھارتی فاسٹ بولرمحمد سراج کا روہت شرما کو کرارا جواب!

ممبئی (اُردو پوائنٹ اخبارتازہ ترین - آن لائن۔ 22 مارچ2025ء)چیمپئنز ٹرافی کے اسکواڈ سے غیرموثر قرار دیے جانے کے بعد ڈراپ ہونے والے بھارتی فاسٹ بولر محمد سراج نے کپتان روہت شرما کے اس تبصرے پر کرارا جواب دے دیا۔فاسٹ بولر محمد سراج نے اِنڈین پریمیئر لیگ (آئی پی ایل) 2025 ایڈیشن شروع ہونے سے قبل ہونے والی پریس کانفرنس میں بتایا کہ انہوں نے گزشتہ برس زیادہ تر وکٹیں پرانی گیند سے لیں۔

(جاری ہے)

ان کا اکانومی ریٹ بھی کم ہے۔ اعداد و شمار خود بولتے ہیں۔ انہوں نے نئی اور پرانی دونوں گیندوں سے اچھی کارکردگی دکھائی ہے۔چیمپئنز ٹرافی کے اسکواڈ کے اعلان سے قبل محمد سراج کی فارم اچھی نہیں تھی۔ جب اسکواڈ کا اعلان کیا گیا تو بھارت کے کپتان روہت شرما کا کہنا تھا کہ فاسٹ بولر کو ڈراپ کرنے کے علاوہ کوئی چارہ نہیں تھا۔اسکواڈ کے اعلان کے وقت پریس کانفرنس میں روہت شرما کا کہنا تھا کہ اگر سراج نئی بال سے گیند نہ کرائے تو اس تاثیر کم ہوجاتی ہے۔