مسلسل ناقص کارکردگی، شاہین شاہ آفریدی قومی ٹیم پر بوجھ بننے لگے

نیوزی لینڈ کیخلاف رواں سیریز کے کھیلے گئے 4 ٹی 20 میچوں میں پیسر کی کارکردگی انتہائی مایوس کن رہی ہے

ذیشان مہتاب پیر 24 مارچ 2025 14:11

مسلسل ناقص کارکردگی، شاہین شاہ آفریدی قومی ٹیم پر بوجھ بننے لگے

لاہور (اردو پوائنٹ تازہ ترین اخبار ۔ 24 مارچ 2025ء ) ایک وقت میں دنیا کے بہترین فاسٹ بائولرز میں شمار ہونے والے نوجوان پاکستانی پیسر شاہین آفریدی اب قومی ٹیم پر بوجھ بننے لگے ہیں ۔

نیوزی لینڈ کے خلاف رواں سیریز کے کھیلے گئے 4 ٹی 20 میچوں میں شاہین شاہ آفریدی کی کارکردگی انتہائی مایوس کن رہی ہے۔

4 میچز میں شاہین شاہ آفریدی نے 133 رنز دے کر صرف 2 وکٹیں حاصل کی ہیں۔

اپنے آخری 5 ٹی ٹونٹی میچز میں شاہین آفریدی نے 17 اوورز میں 10 رن فی اوور 170 رنز دیکر 85 کی اوسط سے صرف 2 وکٹیں حاصل کی ہیں۔

شاہین آفریدی کی اس ناقص پرفارمنس کو دیکھتے ہوئے قومی ٹیم کے سابق کپتان اور ان کے سسر شاہد آفریدی نے فاسٹ باولر اور شاداب خان کو آرام دینے کا مطالبہ بھی کیا ہے۔

(جاری ہے)

پاکستان اور نیوزی لینڈ کے درمیان پانچ ٹی ٹونٹی میچوں کی سیریز میں کیویز نے تین ایک سے فیصلہ کن برتری حاصل کر لی ہے۔

آخری میچ 26 مارچ کو ویلنگٹن میں کھیلا جائے گا۔

پاکستان کے سابق کپتان شاہد آفریدی نے آخری میچ میں فاسٹ بولر شاہین شاہ آفریدی اور نائب کپتان آل راؤنڈر شاداب خان کو آرام دینے کا مطالبہ کیا ہے۔

شاہد آفریدی نے سماجی رابطوں کی ویب سائٹ ایکس پر ٹوئٹ کرتے ہوئے کہا ہے کہ آخری میچ میں بنچ پر بیٹھے کھلاڑیوں کو آزمایا جائے۔

اس میچ میں شاہین شاہ آفریدی اور شاداب خان کو آرام دیا جا سکتا ہے۔

سابق اسٹار آل راؤنڈر کا کہنا تھا کہ پاکستان سیریز تو ویسے ہی ہار چکا ہے۔ اس لیے بہتر فیصلہ یہی ہوگا کہ باقی کھلاڑیوں کو بھی موقع دیا جائے۔

واضح رہے نیوزی لینڈ کے خلاف رواں سیریز کے کھیلے گئے چار ٹی 20 میچوں میں شاہین شاہ آفریدی اور شاداب خان کی کارکردگی انتہائی مایوس کن رہی ہے۔

چوتھے میچ میں تو دونوں کرکٹرز نے بغیر کوئی وکٹ لیے 98 رنز مخالف ٹیم کو دیے تھے جب کہ بیٹنگ میں بھی کمال نہ دکھا سکے۔

طویل عرصہ بعد بطور نائب کپتان ٹیم میں واپسی کرنے والے آل راونڈر شاداب خان نے 110 رنز دے کر صرف ایک وکٹ حاصل کی جب کہ بلے سے بھی وہ کارکردگی دکھانے میں ناکام رہے اور تین اننگز میں صرف 30 رنز ہی بنا سکے۔