احتجاج کی آڑ میں قانون ہاتھ میں لینے والوں کو قانون کے مطابق سزا ملے گی،ڈپٹی کمشنر کوئٹہ

منگل 25 مارچ 2025 18:02

کوئٹہ(اُردو پوائنٹ اخبارتازہ ترین - این این آئی۔ 25 مارچ2025ء) ڈپٹی کمشنر کوئٹہ سعد بن اسد نے کہا ہے کہ کوئٹہ شہر میں کسی کو بھی سڑک بلاک کرنے کی اجازت نہیں دی جائیگی پرامن احتجاج کے لئے مخصوص مقامات مقرر کردیئے گئے ہیں،احتجاج کی آڑ میں قانون ہاتھ میں لینے والوں کو قانون کے مطابق سزا ملے گی۔ یہ بات انہوں نے اپنے ایک بیان میں کہی۔

(جاری ہے)

ڈپٹی کمشنر کوئٹہ سعد بن اسد نے کہا کہ پرامن احتجاج ہر شہری کا حق ہے لیکن عوام کو تکلیف نہیں ہونی چاہیے کوئٹہ پریس کلب، زرغون روڈ ،ہاکی گراونڈ اور سریاب ،فٹبال گراونڈ میں احتجاج کیلئے اجازت ہے شہر میں سڑک بند کرنے کے احکام کی خلاف ورزی پر کارروائی ہوگی۔

انہوں نے کہاکہ سرکاری املاک کو نقصان پہنچانا احتجاج نہیں بلکہ تخریب کاری ہے احتجاج کے نام پر توڑ پھوڑ کرنے والوں کے خلاف سخت ایکشن لیا جائے گازبردستی اسکول کی بچی کو احتجاج میں لانے والی ٹیچر کو معطل کردیا گیا احتجاج کے لئے بچوں کو استعمال کرنا ناقابل قبول ہے سخت ایکشن لیا جائے گا احتجاج کی آڑ میں قانون ہاتھ میں لینے والوں کو قانون کے مطابق سزا ملے گی۔