پی آر آئی سکیم میں ایکسچینج کمپنیاں بھی شامل، ترسیلات زر میں 100فیصد اضافہ متوقع

سکیم کے تحت ترسیلات زر کی حد 100ڈالر سے بڑھ کر 200ڈالر ہوگئی ہے، ملک بوستان

منگل 1 جولائی 2025 21:00

پی آر آئی سکیم میں ایکسچینج کمپنیاں بھی شامل، ترسیلات زر میں 100فیصد ..

کراچی (اُردو پوائنٹ اخبارتازہ ترین - این این آئی۔ 01 جولائی2025ء)پاکستان ریمیٹینس انیشیٹو سکیم میں ایکسچینج کمپنیوں کو بھی شامل کر لیا گیا ۔سٹیٹ بینک کی جانب سے اس ضمن میں سرکلر نمبر 4جاری کر دیا گیا ہے۔دوسری جانب چیئرمین ایکسچینج ایسوسی آف پاکستان ملک بوستان نے کہا ہے کہ پی آر آئی میں شامل ہونے کے بعد اب ترسیلات زر میں 100فیصد اضافہ متوقع ہے۔

تجارتی بینکوں اور ایکس چینج کمپنیوں کا فی ڈالر منافع اب یکساں ہوگیا۔

(جاری ہے)

انہوں نے بتایا کہ ایکس چینج کمپنیز نے پچھلے سال 4ارب ڈالرز انٹر بینک میں جمع کروائے تھے، پی آر آئی اسکیم سے انٹرنیشنل منی ٹرانسفر کمپنیوں کی بلیک میلنگ ختم ہو جائیگی ،سکیم کے تحت ترسیلات زر کی حد 100ڈالر سے بڑھ کر 200ڈالر ہوگئی ہے۔ملک بوستان نے کہا کہ 200ڈالر ترسیلات زر بھیجنے والے سے سینڈنگ فیس بھی نہیں لی جائے گی۔انہوں نے بتایا کہ ایکسچینج کمپنیوں کا اگلا ہدف ایک سال میں 8سے 10ارب ڈالر انٹر بینک مارکیٹ میں جمع کرانے کا مقرر کیا گیا ہے۔