فلم سکندر باکس آفس پر 200 کروڑ تو عبور کرلے گی،سلمان خان

فلم سکندر عید پر ریلیز ہوگی جس میں سلمان خان کے مدمقابل رشمیکا مندانا ہیں

منگل 25 مارچ 2025 21:20

فلم سکندر باکس آفس پر 200 کروڑ تو عبور کرلے گی،سلمان خان

ممبئی (اُردو پوائنٹ اخبارتازہ ترین - آن لائن۔ 25 مارچ2025ء)بالی ووڈ کے دبنگ اسٹار سلمان خان نے عید پر ریلیز ہونے والی اپنی نئی فلم سکندر کی کامیابی سے متعلق بڑا دعوی کردیا۔سلمان خان کی فلم سکندر کا ٹریلر ریلیز کردیا گیا اس موقع پر اداکار اپنی فلم کے لیے کافی پر امید نظر آئے۔ سلمان خان نے کہا کہ عید، دیوالی، سال نو اور دیگر تہواروں میں فلمیں کافی بزنس کرلیتی ہیں اور فلم سکندر میں تو مداحوں کے لیے بہت کچھ ہے۔

(جاری ہے)

دبنگ خان نے ایک سوال کے جواب میں کہا کہ یہ ایکشن تھرلر فلم ہے، فلم اچھی ہو یا بری، باکس آفس پر 200 کروڑ تو عبور کرلے گی۔اس فلم میں سلمان خان کی ہیروئن رشمیکا مندانا بھی فلم کی کامیابی کے لیے کافی پرامید ہے۔فلم ناقدین بھی باوجود اس کے کہ فلم کے پوسٹر پر چربہ سازی کے الزامات لگ چکے ہیں فلم سکندر کی کامیابی کا دعوی کر رہے ہیں۔ حالانکہ سلمان خان قتل کی دھمکیوں کے باعث اس فلم کی تشہیری مہن اس طرح نہیں چلا رہے ہیں جس شاندار انداز سے وہ اپنی باقی فلموں کی چلاتے آئے ہیں۔