/عالمی چیمپئن ارجنٹائن نے اپنے روایتی حریف برازیل کو 1-4 سے شکست دے کر 2026 کے فٹبال ورلڈ کپ کے لیے کوالیفائی کرلیا

بدھ 26 مارچ 2025 21:40

بیونس آئرس(اُردو پوائنٹ اخبارتازہ ترین - آن لائن۔ 26 مارچ2025ء)عالمی چیمپئن ارجنٹائن نے اپنے روایتی حریف برازیل کو 1-4 سے شکست دے کر 2026 کے فٹبال ورلڈ کپ کے لیے کوالیفائی کرلیا۔یہ میچ بیونس آئرس کے تاریخی میدان میں کھیلا گیا جہاں ارجنٹائن نے لیونل میسی کی غیر موجودگی کے باوجود شاندار کارکردگی کا مظاہرہ کیا اور برازیل کو چاروں شانے چت کر دیا۔

(جاری ہے)

میچ کے چھٹے منٹ میں جولیان الواریز نے ارجنٹائن کے لیے پہلا گول داغا جس کے بعد اینزو فرنینڈیز، ایلکسس میک ایلیسٹر اور گیولیانو سیمی اونی نے مزید گولز اسکور کرکے فتح کو یقینی بنایا۔دوسری جانب پانچ بار کی عالمی چیمپئن برازیل کی ٹیم اس میچ میں کوئی خاص مزاحمت نہ دکھا سکی اور اب تک وہ ورلڈ کپ کے لیے کوالیفائی کرنے میں ناکام رہی ہے۔یاد رہے کہ فٹبال کا یہ میگا ایونٹ 2026 میں امریکا، کینیڈا اور میکسیکو کی مشترکہ میزبانی میں منعقد ہوگا۔