کالا باغ ڈیم پر علی امین گنڈاپور کا بیان پارٹی پالیسی نہیں،اسد قیصر

متنازع چیزوں کو غیر ضروری طور پر چھیڑنا اچھا نہیں، رہنما تحریک انصاف کا بیان

منگل 2 ستمبر 2025 21:35

کالا باغ ڈیم پر علی امین گنڈاپور کا بیان پارٹی پالیسی نہیں،اسد قیصر

اسلام آباد (اُردو پوائنٹ اخبارتازہ ترین - این این آئی۔ 02 ستمبر2025ء)پی ٹی آئی کے رہنما و سابق اسپیکر قومی اسمبلی اسد قیصر نے کہا ہے کہ کالا باغ ڈیم پر علی امین گنڈاپور کا بیان ذاتی ہے، پارٹی پالیسی نہیں۔اسلام آباد سے جاری کیے گئے بیان میں انہوںنے کہاکہ ہم نہیں سمجھتے کہ اس وقت کالا باغ ڈیم کی کوئی ضرورت ہے۔

(جاری ہے)

اسد قیصر نے کہا کہ اس وقت اور بھی چھوٹے چھوٹے ڈیم بنائے جا سکتے ہیں، علی امین کے اپنے علاقے میں چشمہ رائٹ بینک کینال کا ایک پروجیکٹ ہے۔سابق اسپیکر قومی اسمبلی نے کہا کہ اس پروجیکٹ سے علی امین گنڈاپور کے علاقے کی پانی کی ضرورت پوری ہو جائے گی۔اسد قیصر نے کہا کہ متنازع چیزوں کو غیر ضروری طور پر چھیڑنا اچھا نہیں۔