Live Updates

نئے ڈیمز سے کھربوں کے پانی ضیاع کو محفوظ بناسکتے ہیں، علیم خان

علیم خان نے کا لا باغ ڈیم کی تعمیر پر وزیراعلی خیبر پختونخوا علی امین گنڈاپور کے جذبات کو خوش آئند قرار دیا

منگل 2 ستمبر 2025 21:35

نئے ڈیمز سے کھربوں کے پانی ضیاع کو محفوظ بناسکتے ہیں، علیم خان

اسلام آباد(اُردو پوائنٹ اخبارتازہ ترین - این این آئی۔ 02 ستمبر2025ء)صدر استحکام پاکستان پارٹی اور وفاقی وزیر علیم خان نے کہا ہے کہ نئے ڈیمز سے کھربوں روپے کے پانی کے ضیاع کو محفوظ بنایا جاسکتا ہے۔ایک بیان میں علیم خان نے کا لا باغ ڈیم کی تعمیر پر وزیراعلی خیبر پختونخوا علی امین گنڈاپور کے جذبات کو خوش آئند قرار دیا اور کہا کہ ہم ان کی حمایت کو سراہتے ہیں۔

(جاری ہے)

وفاقی وزیر نے کہا کہ نئے ڈیمز بشمول کالا باغ ڈیم تمام صوبوں کی مشاورت سے بننے چاہئیں، کوئی بھی ڈیم ہو، اسے باہمی اتفاق رائے سے تعمیر ہونا چاہیے۔انہوں نے کہا کہ چاروں صوبائی اسمبلیوں اور وزرائے اعلی کو مل کر نئے ڈیمز کا حل نکالنا چاہیے، نئے ڈیموں سے کھربوں روپے کے پانی کے ضیاع کو محفوظ بنایا جا سکتا ہے۔علیم خان نے کہا کہ مستقبل میں آبی بحران اور سیلاب جیسی آفت سے بچاو کیلیے نئے ڈیم ضروری ہیں، سیلاب کسی ایک صوبے کا نہیں، سارے ملک کا مسئلہ بن چکا ہے۔انہوںنے کہاکہ سارا پاکستان موسمیاتی تبدیلیوں اور اس کے منفی اثرات کی لپیٹ میں ہے، چھوٹے ڈیم تمام صوبوں میں بننے چاہئیں، متحد ہو کر کام کرنا ہوگا۔