ملک میں خام تیل کی پیداوار میں ہفتہ وار بنیادوں پر کمی جبکہ گیس کی پیداوار میں اضافہ ریکارڈ

جمعرات 27 مارچ 2025 14:20

اسلام آباد (اُردو پوائنٹ اخبارتازہ ترین - اے پی پی۔ 27 مارچ2025ء) ملک میں خام تیل کی پیداوار میں ہفتہ وار بنیادوں پر کمی جبکہ گیس کی پیداوار میں اضافہ ریکارڈکیاگیا ہے۔ پی پی آئی ایس اور انڈسٹری کے اعدادوشمار کے مطابق 16 مارچ کو ختم ہونے والے ہفتے میں ملک میں خام تیل کی اوسط یومیہ پیداوار 63706بیرل ریکارڈکی گئی جو پیوستہ ہفتے کے مقابلہ میں 0.7 فیصد کم ہے۔

پیوستہ ہفتے میں ملک میں خام تیل کی اوسط یومیہ پیداوار 64160 بیرل ریکارڈکی گئی ہے۔

(جاری ہے)

اسی طرح 16 مارچ کو ختم ہونے والے ہفتہ میں گیس کی اوسط یومیہ پیداوار 3073 ایم ایم سی ایف ڈی ریکارڈکی گئی جو پیوستہ ہفتے کے مقابلہ میں 0.5 فیصد زیادہ ہے۔ پیوستہ ہفتے میں ملک میں گیس کی اوسط یومیہ پیداوار 3058 ایم ایم سی ایف ڈی ریکارڈکی گئی تھی۔ اعدادوشمار کے مطابق 16 مارچ کو ختم ہونے والے ہفتے میں اوجی ڈی سی ایل کی خام تیل کی اوسط یومیہ پیداوار 33185 ، پی پی ایل 9848، پی او ایل 4441 اور ماڑی پٹرولیم کے خام تیل اوسط یومیہ پیداوار 1131 بیرل ریکارڈکی گئی ، اسی طرح 16 مارچ کو ختم ہونے والے ہفتے میں او جی ڈی سی ایل کی گیس کی اوسط یومیہ پیداوار 666، پی او ایل 58، پی پی ایل 526 اور ماڑی گیس کی گیس کی اوسط یومیہ پیداوار 959 ایم ایم سی ایف ڈی ریکارڈکی گئی ۔

\395