محکمہ سکولزایجوکیشن کا بچوں میں 100فیصد کتب کی فراہمی کا حکم ، ریکارڈ بھی طلب

ایک ہفتے میں ڈیٹا فراہم نہ کرنے والے سربراہان کے خلاف کارروائی کی جائے گی

ہفتہ 5 اپریل 2025 18:15

لاہور(اُردو پوائنٹ اخبارتازہ ترین - این این آئی۔ 05 اپریل2025ء) محکمہ سکولزایجوکیشن نے سکول سربراہان سے مفت درسی کتب کی تقسیم کا ریکارڈ طلب کر لیا۔

(جاری ہے)

محکمہ سکولز ایجوکیشن نے ریکارڈ طلب کرتے ہوئے کہا ہے کہ نئی کتب کتنے بچوں کو فراہم کی گئیں،بک بینک سے پرانی کتب کتنی تقسیم کی گئیں اس کا آن لائن ایپ میں ڈیٹا اپ لوڈ کیا جائے ۔محکمہ سکولزایجوکیشن کا کہنا ہے کہ بچوں کو 100فیصد کتابوں کی فراہمی کو یقینی بنایا جائے،سکول سربراہان گوگل سے ایپ ڈائون لوڈ کرکے کتابوں کا ڈیٹا اپ لوڈ کریں گے،ایک ہفتے میں ڈیٹا فراہم نہ کرنے والے سربراہان کیخلاف کارروائی ہو گی۔واضح رہے 7 اپریل سے سکولوں میں نئے تعلیمی سیشن کا آغاز ہو رہا ہے ۔