یواے ای میں ملازمت کی پیشکش اصلی ہے یا جعلی؟

دوبئی(اردوپوائنٹ اخبارتازہ ترین-انٹرنیشنل پریس ایجنسی۔08 اپریل ۔2025 )متحدہ عرب امارات (یو اے ای) نے ہدایت کی ہے کہ مملکت میں ملازمتوں کی پیشکش کے حقیقی یا جعلی ہونے کی تصدیق کے لیے یو اے ای کی وزارت انسانی وسائل اور امارائزیشن (ایم او ایچ آر ای) کے ذریعے ملازمت کی پیشکش اور بھرتی کرنے والی کمپنی کے حقیقی ہونے کی تصدیق کے لیے سرکاری طور پر آن لائن سسٹم کے ذریعے تصدیق کرکے جعل سازی سے بچا جاسکتا ہے ”گلف نیوز“کے مطابق اگر کسی کو متحدہ عرب امارات میں کام کرنے کے لیے ملازمت کی پیشکش ملتی ہے تواس بات کو یقینی بنانا ضروری ہے کہ پیشکش حقیقی اور سرکاری طور پر تسلیم شدہ ہے ملازمت کی تمام جائز پیشکشیں متحدہ عرب امارات کی وزارت برائے انسانی وسائل اور امارائزیشن (ایم او ایچ آر ای) کے ذریعے جاری کی جانی چاہئیں.

رپورٹ میں کہا گیا ہے کہ آجروں کو ورک پرمٹ کے لیے درخواست دیتے وقت ایم او ایچ آر ای کے ذریعے منظور شدہ معاہدہ فارم استعمال کرنے کی ضرورت ہوتی ہے، ملازمت کی پیشکش کے ان فارمز میں ایک منفرد سیریل نمبر یا بارکوڈ شامل ہوتا ہے، جس سے آپ آسانی سے ان کی صداقت کی تصدیق کرسکتے ہیں، اگرچہ ملازمت کے معاہدے میں ابتدائی پیشکش میں درج اضافی فوائد شامل ہوسکتے ہیں، لیکن آفر لیٹر معاہدے کی بنیاد رہتا ہے اور متفقہ شرائط و ضوابط کے مطابق ہونا چاہیے.

ایم او ایچ آر ای کے مطابق وزارت کی طرف سے جاری کردہ ہر جائز آفر لیٹر میں معاہدے کی قسم، تنخواہ (ماہانہ، روزانہ، کمیشن پر مبنی، وغیرہ)، ہفتہ وار چھٹی کا حق، نوٹس کی مدت اور دیگر متعلقہ شرائط، ملازمت کی ابتدا کی تاریخ، کام کا عنوان یا کردار، کمپنی نمبر لازمی شامل ہونا چاہیے متحدہ عرب امارات سے باہر رہنے والے ملازمت کی پیشکش موصول ہونے پرپہلا قدم اپنے ملک میں متحدہ عرب امارات کے سفارتخانے سے چیک کریں سفارتخانے کے حکام اس بات کی تصدیق کرنے میں مدد کرسکتے ہیں کہ آیا پیشکش حقیقی ہے یا نہیں؟آپ ایم او ایچ آر ای کی آن لائن انکوائری سروس کا استعمال کرتے ہوئے اپنی ملازمت کی پیشکش کی تصدیق بھی کرسکتے ہیں، جس کے لیے www.mohre.gov.ae پر ایم او ایچ آر ای کی سرکاری ویب سائٹ پر چیک کیا جاسکتا ہے رپورٹ میں کہا گیا ہے کہ زیادہ تر آفر لیٹرز میں ٹرانزیکشن نمبر اور کمپنی نمبر کا ذکر ہوگا، یہ اس وقت تیار کیے جاتے ہیں جب آجر یا بھرتی ایجنسی ایم او ایچ آر ای کے سسٹم میں پیشکش اپ لوڈ کرتی ہے اگر وہ شامل نہیں ہیں تو آپ کو آجر سے انہیں فراہم کرنے کے لیے کہنا چاہیے آفر لیٹر پر دستخط ہونے کے بعد، آجر آپ کو متحدہ عرب امارات میں داخل ہونے کے لیے روزگار کا ویزا جاری کرے گا اس بات کو یقینی بنانا بھی ضروری ہے کہ آپ کے ملازمت کے معاہدے کی شرائط متحدہ عرب امارات پہنچنے سے پہلے دستخط کردہ ملازمت کی پیشکش سے میل کھاتی ہیں آجروں کو آپ کو آپ کے ریکارڈ کے لیے دستخط شدہ ملازمت کی پیش کش کی ایک کاپی فراہم کرنے کی ضرورت ہے.