دی سعودی فوڈ شو میں شرکت کے لئے 15 اپریل تک درخواستیں جمع کرائی جا سکتی ہیں ،ٹی ڈی اے پی

جمعرات 10 اپریل 2025 16:49

اسلام آباد (اُردو پوائنٹ اخبارتازہ ترین - اے پی پی۔ 10 اپریل2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ سعودی عرب میں منعقد ہونے والی بین الاقوامی تجارتی نمائش ’’دی سعودی فوڈ شو ‘‘میں شرکت کے لئے 15 اپریل تک درخواستیں جمع کرائی جا سکتی ہیں ۔

(جاری ہے)

ٹی ڈی اے پی کی جانب سے جاری تفصیلات کے مطابق نمائش سعودی عرب میں 12مئی سے 14مئی تک جاری رہے گی جس میں دلیہ ، دالیں ، ڈیری ، کوکنگ آئل ، سی فوڈ ، پھل ، سبزیاں ، فروزن فوڈ ، بیورجز ، سنیکس ، گوشت ، پولٹری اور بیکری سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔نمائش کے حوالے سے مزید تفصیلات اتھارٹی کی ویب سائٹ سے حاصل کی جا سکتی ہیں ۔