اولمپک گیمز2028 میں کرکٹ خواتین کی 12 کرکٹ ٹیمیں شامل کرنے کا فیصلہ، پاکستان کیلئے مشکلات

جمعرات 10 اپریل 2025 22:23

اسلام آباد(اُردو پوائنٹ اخبارتازہ ترین - آن لائن۔ 10 اپریل2025ء) امریکہ میں 2028میں منعقد ہونیوالی لاس اینجلس اولمپک گیمز میں مرد و خواتین کی 12 کرکٹ ٹیمیں شامل کرنے کا فیصلہ، پاکستان کو ایک اور مشکلات کا سامنا۔ لاس اینجلس میں شیڈول اولمپکس میں مرد اور خواتین کی 6، 6 کرکٹ ٹیموں کو شامل کرنے کا فیصلہ کیا ہے جو ٹی ٹوئنٹی فارمیٹ میں کھیلی جائے گی، مرد اور خواتین کے ایونٹس میں 6، 6 ٹیمیں ہوں گی جن کے لیے 90، 90 کھلاڑیوں کا کوٹہ الاٹ کیا جائے گا، مرد و خواتین میں ہر ٹیم 15، 15 کھلاڑیوں پر مشتمل ہوگی۔

(جاری ہے)

انٹرنیشنل کرکٹ کونسل کے 12 فل ممبرز ہیں، ایونٹ پروگرام اینڈ ایتھلیٹ کوٹہ کی منظوری آئی او سی کے ایگزیکٹو بورڈ نے دی تاہم لاس اینجلس اولمپکس کے کرکٹ وینیوز کا تاحال فیصلہ نہیں کیا گیا۔پاکستان کو اولمپکس مقابلوں میں کوالیفائی کرنے میں مشکلات کا سامنا کرنا پڑ سکتا ہے کیونکہ موجودہ آئی سی سی رینکنگ میں پاکستان مینز ٹیم ساتویں اور ویمنز ٹیم آٹھویں پوزیشن پر ہے جبکہ اولمپکس میں آئی سی سی رینکنگ میں ٹاپ کی 6 ٹیمیں کوالیفائی کریں گی۔ پاکستان کو اولمپکس میں کوالیفائی کرنے کے لیے رینکنگ بہتر کرنا ہو گی۔