ایس آئی ایف سی کی معاونت سے یورپی ممالک کو برآمدات میں خاطرخواہ اضافہ

ہفتہ 12 اپریل 2025 20:56

اسلام آبا د(اُردو پوائنٹ اخبارتازہ ترین - آن لائن۔ 12 اپریل2025ء)ایس آئی ایف سی کی معاونت سے یورپی ممالک کو برآمدات میں خاطرخواہ اضافہ، مغربی یورپ کو برآمدات میں 11.6 فیصد جبکہ شمالی یورپ کو برآمدات میں 17.7 فیصد کا اضافہ خوش آئند قرار ، اقوام عالم کا پاکستانی صنعت پر اعتماد بحال، اٹلی ، یونان اور اسپین سمیت دیگر یورپی ممالک کو برامدات میں بتدریج اضافہ ہوا ہے۔

(جاری ہے)

ایس آئی ایف سی کی کاوشوں سے یورپ میں پاکستانی مصنوعات کی مانگ میں نمایاں اضافہ دیکھنے میں آیا ہے، اور یورپی ممالک کو پاکستانی برآمدات میں 9.4 فیصد کا نمایاں اضافہ دیکھا گیا ہے ، مغربی یورپ کو برآمدات میں 11.6 فیصد جبکہ شمالی یورپ کو برآمدات میں 17.7 فیصد کا اضافہ خوش آئند قرار دیا گیا ہے ، یہ اعدادوشمار اقوام عالم کے پاکستانی صنعت پر اعتماد کی بحالی کا واضح ثبوت ہے، اٹلی ، یونان اور اسپین سمیت دیگر یورپی ممالک کو برامدات میں بتدریج اضافہ ہوا ہے ، برآمدات میں اضافے کی بنیادی وجہ 'جی ایس پی پلس' اسٹیٹس کے ساتھ ساتھ پاکستانی ٹیکسٹائل اور ملبوسات کی مانگ میں اضافہ قرار دیا گیا ہے ، اکتوبر 2023 میں یورپی پارلیمنٹ کی جانب سے پاکستان کو ڈیوٹی فری رسائی دینے والے 'جی ایس پی پلس' اسٹیٹس کی 2027 تک توسیع ہے ، 'جی ایس پی پلس' اسٹیٹس کے تحت ترقی پذیر ممالک کی یورپی مارکیٹ میں ترجیحی رسائی اور ڈیوٹی ٹیکس سے مستثنیٰ ہونے سے بھی بہتری آئی ہے ، ایس آئی ایف سی کی کامیاب پالیسیوں سے صنعتوں کو سرمایہ کاری کی ترغیب ہوئی ہے،جس سے اقتصادی ترقی کا سفر جاری ہے ۔