محسن نقوی کی مستونگ میں دشت روڈ پر بلوچستان کانسٹیبلری کی گاڑی کے قریب دھماکے کی مذمت

منگل 15 اپریل 2025 18:29

اسلام آباد (اُردو پوائنٹ اخبارتازہ ترین - این این آئی۔ 15 اپریل2025ء)وفاقی وزیرداخلہ محسن نقوی نے مستونگ میں دشت روڈ پر بلوچستان کانسٹیبلری کی گاڑی کے قریب دھماکے کی مذمت کرتے ہوئے کہا ہے کہ شہید اہلکاروں کے خاندانوں کے ساتھ کھڑے ہیں،شہداء ہمارا فخر ہیں اور ہمیشہ ہمارے دلوں میں زندہ رہیں گے۔ اپنے بیان میں وزیرداخلہ محسن نقوی نے شہید ہونیوالے 3 اہلکاروں کو خراج عقیدت پیش کیا ہے ۔

(جاری ہے)

وزیرداخلہ محسن نقوی نے شہید اہلکاروں کے لواحقین سے دلی ہمدردی و اظہار تعزیت کرتے ہوئے زخمیوں کی جلد صحتیابی کے لیے دعا ء کی ۔ محسن نقوی نے کہاکہ شہید اہلکاروں کے خاندانوں کے ساتھ کھڑے ہیں۔ انہوںنے کہاکہ شہداء ہمارا فخر ہیں اور ہمیشہ ہمارے دلوں میں زندہ رہیں گے۔ انہوںنے کہاکہ قوم شہداء کی عظیم قربانیوں کو ہمیشہ یاد رکھے گی۔ انہوںنے کہاکہ دہشتگردوں کا کوئی مذہب ہے نہ علاقہ یہ انسانیت کے کھلے دشمن ہیں۔