35 ویں نیشنل گیمزسندھ: اسلام آباد گرلزہاکی ٹیم کے ٹرائلزکا اعلان، سلیکشن کمیٹی تشکیل

جمعرات 17 اپریل 2025 17:46

اسلام آباد(اُردو پوائنٹ اخبارتازہ ترین - آن لائن۔ 17 اپریل2025ء) اسلام آباد ہاکی ایسوسی ایشن (آئی ایچ ای)کے عہدیداران کی ایک اہم میٹنگ زیر صدارت قاضی عطا الرحمن منعقد ہوئی۔میٹنگ میں 35ویں نیشنل گیمز سندھ میں شرکت کے حوالے سے اسلام آباد کی گرلز ہاکی ٹیم کے اوپن ٹرائلز پر تبادلہ خیال کیا گیا۔اسلام آباد گرلز ہاکی ٹیم کے اوپن ٹرائلز 18 اپریل بروز جمعہ کو نصیربندا ہاکی اسٹیڈیم، پاکستان اسپورٹس بورڈ میں دوپہر 3 بجے منعقد ہوں گے۔

تمام کھلاڑیوں کو ہدایت کی گئی ہے کہ وہ ایک سفید اور ایک رنگین شرٹ کے ہمراہ دوپہر 3 بجے اسٹیڈیم پہنچیں۔ میٹنگ میں سلیکشن کمیٹی کے قیام کا اعلان بھی کیا گیا۔ کمیٹی کی سربراہی قاضی عطا الرحمن کریں گے، جبکہ احسان اللہ نیازی، چوہدری محبوب رامے اور رضوان رانا کمیٹی کے رکن ہوں گے۔

(جاری ہے)

میٹنگ کے دوران جنرل سیکرٹری سید ضیا اللہ شاہ، صدر آئی ایچ اے چوہدری عنصر، نیشنل کوچ راجہ عبدالقدیر اور فنانس سیکرٹری اسلام آباد ہاکی ایسوسی ایشن نے اسلام آباد میں ہونے والے انٹرنیشنل میچز جن میں جرمنی جونئیر اور عمان نیشنل ٹیموں کی شمولیت رہی کی شاندار میزبانی اور ایونٹس کی کامیابی پر پوری آئی ایچ اے ٹیم کو مبارکباد دی۔

اجلاس میں احسان اللہ نیازی، محبوب رامے، رانا رضوان، وسیم بیگ، سید حسن شاہ اور راجہ لطیف بھی شریک تھے۔