ٹمپریچر کنٹراسٹ کی وجہ سے اولے کاسائز بڑا ہوا، محکمہ موسمیات

جمعرات 17 اپریل 2025 21:15

اسلام آباد(اُردو پوائنٹ اخبارتازہ ترین - این این آئی۔ 17 اپریل2025ء) ڈپٹی ڈائریکٹر محکمہ موسمیات انجم نذیر ضیغم نے کہا ہے کہ ٹمپریچر کنٹراسٹ ہونے کی وجہ سے اولے کا سائز بڑا ہوا۔ ڈپٹی ڈائریکٹر محکمہ موسمیات انجم نذیر ضیغم نے نجی ٹی وی سے گفتگو کرتے ہوئے کہا کہ گزشتہ روز طوفانی بارش سے متعلق پیشگوئی کی جاچکی تھی اور 14اپریل کو بتا دیا تھا کہ مغربی ہوائوں کا سلسلہ داخل ہو گا۔

(جاری ہے)

انہوں نے کہا کہ پیشگوئی کی گئی تھی کہ پوٹھوہار میں ژالہ باری اور طوفانی بارش ہو گی۔ اور گزشتہ روز اسلام آباد کا درجہ حرارت 36 ڈگری سینٹی گریڈ تھا۔انجم نذیر ضیغم نے کہا کہ مارگلہ کے قریبی علاقوں میں اولوں کا سائز بڑا تھا۔ جبکہ راولپنڈی کی طرف ژالہ باری نہیں ہوئی۔ اور اسلام آباد میں گزشتہ روز تیز ہوائیں چلی تھیں مگر بارش زیادہ نہیں ہوئی۔انہوں نے کہا کہ ٹمپریچر کنٹراسٹ ہونے کی وجہ سے اسلام آباد میں اولے کا سائز بڑا ہوا۔