تیل کی قومی درآمدات میں جاری مالی سال کے دوران 1.49 فیصد کمی

جمعہ 18 اپریل 2025 11:52

اسلام آباد (اُردو پوائنٹ اخبارتازہ ترین - اے پی پی۔ 18 اپریل2025ء) تیل کی قومی درآمدات میں جاری مالی سال کے دوران 1.49 فیصد کمی ہوئی ہے ۔ ادارہ برائے شماریات پاکستان (پی بی ایس)کے اعدادوشمار کے مطابق رواں مالی سال کے پہلے نو ماہ میں جولائی 2024 تا مارچ 2025 کے دوران درآمدات کا حجم 11.94 ارب ڈالر تک کم ہوا جبکہ گذشتہ مالی سال کے اسی عرصہ میں تیل کی درآمدات کی مالیت 12.08 ارب ڈالر رہی تھی۔

(جاری ہے)

اس طرح گذشتہ مالی سال کے مقابلہ میں رواں مالی سال کے ابتدائی نو مہینوں میں تیل کے قومی درآمدی بل میں 0.18 ارب ڈالر یعنی 1.49 فیصد کی کمی ریکارڈ کی گئی ہے ۔ پی بی ایس کی رپورٹ کےمطابق رواں مالی سال میں خام تیل کی درآمدات 14.61فیصد اضافہ سے درآمدات کا حجم 6.47 ملین ٹن کے مقابلہ میں 7.43 ملین ٹن تک بڑھ گیا ۔