Live Updates

چھوٹے بھائی عبید کو بولنگ کرنا جذباتی لمحہ تھا، نسیم شاہ

کمرشل کا کرکٹ سے کوئی تعلق نہیں، جب پرفارمنس نہیں ہوتی تو اشتہار کرنے پر بھی تنقید ہوتی ہے،گفتگو

جمعہ 18 اپریل 2025 13:18

چھوٹے بھائی عبید کو بولنگ کرنا جذباتی لمحہ تھا، نسیم شاہ

راولپنڈی(اُردو پوائنٹ اخبارتازہ ترین - این این آئی۔ 18 اپریل2025ء)(اُردو پوائنٹ اخبارتازہ ترین - این این آئی۔ 18 اپریل2025ء)پاکستان کے فاسٹ بولر نسیم شاہ نے کہاہے کہ بھائی عبید شاہ کو بولنگ کرنا جذباتی لمحہ تھا۔تقریب میں میڈیا سے گفتگو کرتے ہوئے اسلام آباد یونائیٹڈ کے فاسٹ بولر نسیم شاہ نے کہاکہ ہماری ٹیم اچھی جارہی ہے، پچھلی بار پی ایس ایل جیتے اس بار بھی اچھا آغاز ہوا ہے ٹورنامنٹ پر ہی فوکس ہے۔

انہوں نے کہا کہ چھوٹا بھائی مخالف ٹیم میں کھیلے تو اچھا لگتا ہے۔

(جاری ہے)

نسیم شاہ نے کہا کہ انجریز کھیل کا حصہ ہے بطور فاسٹ بولر کوشش ہوتی ہے پرفارم کروں، بطور ایتھلیٹ کوشش کرتے ہیں ہر روز اپنی پرفارمنس بہتر کریں۔فاسٹ بولر نے کہا کہ کمرشل کا کرکٹ سے کوئی تعلق نہیں، جب پرفارمنس نہیں ہوتی تو اشتہار کرنے پر بھی تنقید ہوتی ہے، رات کا وقت ہے تو پروموشن میں آیا ہوں دن میں پریکٹس کرتا ہوں۔انہوں نے کھانے سے متعلق کہا کہ آلو کی بریانی زیادہ شوق سے کھاتا ہوں۔شادی سے متعلق نسیم شاہ نے کہا کہ ہمیشہ خوش رہنے کی کوشش کرتا ہوں، شادی ہوجائے گی تب بھی خوش رہوں گا۔