سیف اورنکیتا کی فلم جیول تھیف کا گانا الزام ریلیزکردیا گیا

جمعہ 18 اپریل 2025 13:30

ممبئی(اُردو پوائنٹ اخبارتازہ ترین - این این آئی۔ 18 اپریل2025ء)فلم جیول تھیف کے ریلیز کیے گئے رومانٹک گانے الزام میں 54سالہ سیف علی خان اور 34سالہ نکیتا دتہ کی کیمسٹری مداحوں کو اپنی جانب متوجہ کرنے میں کامیاب ہوگئی۔تفصیلات کے مطابق سیف علی خان اور نکیتا دتہ نے رومانوی نغمے میں اپنی جاندار اداکاری اور جذباتی لگاؤ کے شاندار اظہار سے چار چاند لگا دیئے۔

(جاری ہے)

گانے نے ریلیز ہوتے ہی سوشل میڈیا پر دھوم مچادی اور عمر میں 20سال کا فرق ہونے کے باوجود دونوں فنکاروں کی زبردست کیمسٹری نے مداحوں کے دل جیت لیے۔سوشل میڈیا صارفین کے درمیان سیف اور نکیتا کی عمروں کے درمیان فرق پر بحث چھڑ گئی۔ کسی نے حق میں تبصرے کیے تو کوئی منفی کمنٹس دیتا نظر آیا۔اس گانے کو شلپا را اور وشال مشرا نے اپنی مدھر آوازوں سے سجایا ہے اور اس کے بول کمار نے لکھے جبکہ موسیقی انیس علی صابری نے دی۔جیول تھیف اسی ماہ نیٹ فلیکس پر ریلیز کی جائے گی۔ فلم کی کہانی ایک قیمتی ہیرا چوری کرنے کے واقعے گرد گھومتی ہے۔