آڈیو لیکس کیس‘ علی امین گنڈا پور کیخلاف فرد جرم کی کارروائی موخر

وزیراعلیٰ خیبرپختونخوا کے وارنٹ گرفتاری بھی برقرار رکھنے کا حکم جاری

جمعہ 18 اپریل 2025 13:41

آڈیو لیکس کیس‘ علی امین گنڈا پور کیخلاف فرد جرم کی کارروائی موخر

اسلام آباد(اُردو پوائنٹ اخبارتازہ ترین - این این آئی۔ 18 اپریل2025ء)ڈسٹرکٹ اینڈ سیشن کورٹ اسلام آباد نے آڈیو لیکس کیس میں وزیراعلی خیبرپختونخوا علی امین گنڈا پور کے وارنٹ گرفتاری برقرار رکھنے کا حکم دیا۔

(جاری ہے)

ایڈیشنل سیشن جج رانا مجاہد رحیم کی عدم دستیابی کے باعث علی امین گنڈا پورکے کے خلاف آڈیو لیک کیس کی سماعت بغیر کارروائی ملتوی کردی گئی۔ علی امین گنڈا پور کے وارنٹ گرفتاری برقرار ہیں۔وزیراعلیٰ خیبرپختونخوا علی امین گنڈا پور کیخلاف فرد جرم کی کارروائی موخر ہوگئی۔ فرد جرم آئندہ کسی سماعت پر عائد کی جائے گی۔ علی امین گنڈا پور اور دیگرملزمان کے کیس کی سماعت 6 مئی تک ملتوی کی گئی۔ علی امین گنڈا پور اور اسد فاروق خان کیخلاف تھانہ گولڑہ میں مقدمہ درج ہے۔