Live Updates

پی ایس ایل میں پرفارم کرنا قومی ٹیم کیلئے سلیکٹ ہونے کا معیار نہیں ہونا چاہیے : محمد یوسف

اگر کسی کھلاڑی میں کوئی صلاحیت ہے تو اسے اکیڈمی بھیجنا کافی ہے : سابق کپتان

ذیشان مہتاب جمعہ 18 اپریل 2025 12:26

پی ایس ایل میں پرفارم کرنا قومی ٹیم کیلئے سلیکٹ ہونے کا معیار نہیں ہونا ..

لاہور (اردو پوائنٹ تازہ ترین اخبار ۔ 18 اپریل 2025ء ) پاکستان کے سابق ٹیسٹ کرکٹر محمد یوسف نے جمعرات کو کہا کہ پاکستان سپر لیگ (پی ایس ایل) میں پرفارم کرنا قومی کرکٹ ٹیم کے انتخاب کا معیار نہیں ہونا چاہیے۔

نجی ٹی وی سماء ٹی وی کے پروگرام میں اپنے خیالات کا اظہار کرتے ہوئے 50 سالہ محمد یوسف نے کہا کہ مجھے نہیں معلوم کہ عثمان خان کو قومی ٹیم میں کیسے شامل کیا گیا، ‘تاہم عثمان خان نے پی ایس ایل کے پچھلے ایڈیشن میں پرفارم کیا تھا۔

محمد یوسف نے کہا کہ "کل اظہر زیدی نے بھی ایک اچھا نکتہ اٹھایا، انہوں نے کہا کہ پی ایس ایل صرف تفریح ہے"۔

انہوں نے کہا کہ پی ایس ایل سے قومی ٹیم کے لیے کھلاڑیوں کا انتخاب درست معیار نہیں ہے۔

محمد یوسف نے کہا کہ اگر کسی کھلاڑی میں کوئی صلاحیت ہے تو اسے اکیڈمی بھیجنا کافی ہے، اگر وہ کھلاڑی فرسٹ کلاس کرکٹ میں پرفارم کرتا ہے تو سلیکٹرز کو اس پر نظر رکھنی چاہیے اور اگر وہ پی ایس ایل میں پرفارم کرتا ہے تو آپ اسے قومی ٹیم میں شامل کرنے پر غور کر سکتے ہیں۔

(جاری ہے)