آئی پی ایل میں جرمانوں کا سلسلہ جاری، سابق فاسٹ بولر زد میں آگئے

مناف پٹیل پر ضابطہ اخلاق کی خلاف ورزی کرنے پر میچ فیس کا 25 جرمانہ عائد کیا گیا

جمعہ 18 اپریل 2025 19:56

آئی پی ایل میں جرمانوں کا سلسلہ جاری، سابق فاسٹ بولر زد میں آگئے

ممبئی (اُردو پوائنٹ اخبارتازہ ترین - آن لائن۔ 18 اپریل2025ء) انڈین پریمیئر لیگ(آئی پی ایل)میں دہلی کیپیٹلز کے بولنگ کوچ مناف پٹیل پر راجھستان رائلز کے خلاف میچ میں آئی پی ایل ضابطہ اخلاق کی خلاف ورزی کرنے پر میچ فیس کا 25 جرمانہ عائد کرنے کے ساتھ ایک ڈی میرٹ پوائنٹ دے دیا گیا۔

(جاری ہے)

بدھ کے روز ہونے والے میچ میں دہلی کیپیٹلز نے سنسنی مقابلے کے بعد راجھستان رائلز کو سپر اوور میں شکست دی۔

آئی پی ایل کی جانب سے جاری بیان میں کہا گیا کہ بھارت کے سابق فاسٹ بولر نے لیگ کے قواعد و ضوابط کے آرٹیکل 2.20 کی لیول 1 کی خلاف ورزی کا اعتراف کیا، جو کہ اسپرٹ آف دی گیم سے تعلق رکھتا ہے۔بیان میں کہا گیا کہ دہلی کیپیٹلز کے بولنگ کوچ مناف پٹیل پر ان کی میچ فیس کا 25 فی صد جرمانہ عائد کیا گیا ہے اور ایک ڈی میرٹ پوائنٹ دیا گیا ہے۔