پاور پلے میں پانچ وکٹیں حاصل کرکے بولرز نے جیت یقینی بنادی‘ڈیوڈ وارنر

پاور پلے میں 5 وکٹیں گر جائیں تو میچ نہیں جیت سکتے،کپتان گلیڈی ایٹرز سعود شکیل

ہفتہ 19 اپریل 2025 13:44

پاور پلے میں پانچ وکٹیں حاصل کرکے بولرز نے جیت یقینی بنادی‘ڈیوڈ وارنر

کراچی (اُردو پوائنٹ اخبارتازہ ترین - این این آئی۔ 19 اپریل2025ء)کراچی کنگز کے کپتان ڈیوڈ وارنر نے کہاہے کہ پاور پلے میں پانچ وکٹیں حاصل کرکے بولرز نے جیت یقینی بنادی۔ کوئٹہ گلیڈی ایٹرز کے خلاف کامیابی کے بعد کراچی کنگز کے کپتان ڈیوڈ وارنر نے کہا کہ جیمز ونس نے بہت زبردست اننگز کھیلی، جانتے تھے محمد نبی ایسی پچوں پر بہت کارآمد ثابت ہوں گے۔

انہوں نے کہا کہ جانتے تھے اس پچ پر گیند اسپن ہوگی، پاور پلے میں پانچ وکٹیں حاصل کرکے بولرز نے جیت یقینی بنادی۔دوسری جانب گلیڈی ایٹرز کے کپتان سعود شکیل نے کہا کہ پاور پلے میں 5 وکٹیں گر جائیں تو میچ نہیں جیت سکتے، پچھلے میچ میں بھی پاور پلے میں بہت وکٹیں گنوا دی تھیں۔انہوں نے کہا کہ اگلے میچ سے پہلے بات کریں گے غلطیوں پر کیسے قابو پائیں۔

(جاری ہے)

کراچی کے نیشنل بینک اسٹیڈیم میں کھیلے جارہے میچ میں کراچی کنگز کی جانب سے دیے گئے 176 رنز کے تعاقب میں کوئٹہ گلیڈی ایٹرز کی ٹیم 9 وکٹوں کے نقصان پر 119 رنز بناسکی۔محمد عامر 30 رنز کے ساتھ نمایاں رہے، کپتان سعود شکیل نے بھی 33 رنز بنائے۔کوشل مینڈس 12 رنز بناسکے، حسن نواز ایک، فن ایلن 6 رنز بنا کر پویلین لوٹ گئے، رائلی روسو بھی ایک رن بنا کر آؤٹ ہوئے، فہیم اشرف نے تین رنز بنائے۔کراچی کنگز کی جانب سے حسن علی تین وکٹیں حاصل کیں، محمد نبی اور عباس آفریدی نے دو، دو کھلاڑیوں کو آؤٹ کیا۔