امارات، گاڑی کی مہنگی ترین نمبر پلیٹ کی قیمت 8 لاکھ 69 ہزار درھم

اتوار 20 اپریل 2025 10:20

دبئی (اُردو پوائنٹ اخبارتازہ ترین - اے پی پی۔ 20 اپریل2025ء) متحدہ عرب امارات کی دبئی روڈ اینڈ ٹرانسپورٹ اتھارٹی نے گاڑیوں اور موٹرسائیکلوں کی منفرد نمبرپلیٹوں کے شوقین افراد کے لیے آن لائن خریداری اور نیلامی سسٹم متعارف کرایا دیا ہے۔

(جاری ہے)

امارات الیوم کے مطابق ارتھارٹی کا اس حوالے سے کہنا ہے کہ منفرد نمبرپلیٹس عام اور کلاسیکل گاڑیوں ، موٹرسائیکلوں اورتفریحی موٹرسائیکلوں کے لیے محصوص کی گئی ہیں۔

اتھارٹی کی جانب سے نیلامی کے لیے پیش کی جانے والی منفرد نمبرپلیٹوں میں سب سے مہنگی نمبر پلیٹ تین ہندوسوں 971 پر مشتمل ہے جس کی قیمت 8 لاکھ 69 ہزار 500 درھم رکھی گئی ہے ۔دوسری مہنگی ترین پلیٹ کا نمبر828 ہے جبکہ اس کی قیمت 7 لاکھ 81 ہزار 300 درھم رکھی گئی ہے۔ دیگر مہنگی نمبر پلیٹوں کے نمبر 242 ، 262 ، 292 اور 282 ہیں ان کی قیمت 7 لاکھ 68 ہزار 700 درھم مقرر کی گئی ہے۔