سابق آسٹریلوی کرکٹر مائیکل سلیٹر کو 4 سال قید کی سزا سنادی گئی

مائیکل سلیٹر پر 2023ء کے آخر میں ایک خاتون پر گھریلو تشدد سمیت کئی الزامات لگے تھے

ذیشان مہتاب منگل 22 اپریل 2025 12:09

سڈنی (اردو پوائنٹ تازہ ترین اخبار ۔ 22 اپریل 2025ء ) سابق آسٹریلوی ٹیسٹ کرکٹر مائیکل سلیٹر کو 4 سال قید کی سزا سنا دی گئی۔

آسٹریلوی میڈیا کے مطابق مائیکل سلیٹر نے 7 چارجز میں اپنا جرم قبول کیا ہے، جرم قبول کرنے میں گھریلو تشدد کا الزام بھی شامل ہے۔

55 سالہ مائیکل سلیٹر پر 2023ء کے آخر میں ایک خاتون پر گھریلو تشدد سمیت کئی الزامات لگے تھے۔

کوئنز لینڈ کی ماروچیڈور ڈسٹرکٹ کورٹ نے مائیکل سلیٹر کا کیس سنا۔

(جاری ہے)

عدالت نے مائیکل سلیٹر پر واضح کیا آپ شراب نوشی میں رہے ہیں۔ عدالت نے 4 سال قید کی سزا سنائی ہے، اس میں سے ایک سال سے زائد وہ جیل میں گزار چکے ہیں۔

واضح رہے کہ مائیکل سلیٹر نے 1993ء سے 2001ء کے درمیان 74 ٹیسٹ اور 42 ون ڈے میچز میں آسٹریلیا کی نمائندگی کی۔

ان پر حالیہ برسوں میں گھریلو تشدد کے متعدد جرائم کا الزام لگایا گیا ہے اور وہ ذہنی صحت کے مسائل سے نبرد آزما ہیں۔