Live Updates

شاہین آفریدی کو فرنچائز کی جانب سے قیمتی تحفہ‘ویڈیو وائرل

پی ایس ایل 10 کے دوران فرنچائز کی جانب سے بطور تحفہ گولڈ پلیٹڈ آئی فون 16 پرو دیا گیا

منگل 22 اپریل 2025 14:36

شاہین آفریدی کو فرنچائز کی جانب سے قیمتی تحفہ‘ویڈیو وائرل

لاہور(اُردو پوائنٹ اخبارتازہ ترین - این این آئی۔ 22 اپریل2025ء)لاہور قلندرز کے کپتان شاہین آفریدی کو پی ایس ایل 10 کے دوران فرنچائز کی جانب سے بطور تحفہ گولڈ پلیٹڈ آئی فون 16 پرو دیا گیا ہے۔پی ایس ایل کی فرنچائز لاہور قلندرز کی جانب سے 7ویں ایڈیشن سے قبل 21 سال کی عمر میں ٹیم کا کپتان بنایا گیا تھا، ان کی تقرری سے قبل قلندرز 2016 سے 2021 تک چھ میں سے پانچ سیزن میں اچھی کارکردگی نہیں دکھا سکی۔

(جاری ہے)

شاہین آفریدی نے 2022 میں پہلے پی ایس ایل ٹائٹل کی قیادت کی اور وہ لیگ کی تاریخ میں بیک ٹو بیک ٹائٹل جیتنے والی پہلی ٹیم بن گئے۔پی ایس ایل 10 میں لاہور قلندرز تین میچوں میں سے دو میچ جیت کر پوائنٹس ٹیبل پر دوسرے نمبر پر ہے۔فرنچائز نے اب کپتان کو 24 قیراط گولڈ پلیٹڈ آئی فون 16 پرو تحفے میں دیا ہے۔لاہور قلندرز نے اپنے انسٹاگرام پیج پر ایک ویڈیو شیئر کی ہے جس میں شاہین آفریدی کو انتظامیہ کی جانب سے مہنگا تحفہ دیتے دیکھا جاسکتا ہے۔