ملکی تاریخ کا بلند ترین کرنٹ اکاؤنٹ سرپلس ریکارڈ

رواں ماہ کرنٹ اکانٹ سرپلس 1.2 ارب ڈالر کی ریکارڈ سطح پر پہنچ گیا

منگل 22 اپریل 2025 18:12

ملکی تاریخ کا بلند ترین کرنٹ اکاؤنٹ سرپلس ریکارڈ

کراچی(اُردو پوائنٹ اخبارتازہ ترین - این این آئی۔ 22 اپریل2025ء)پاکستان کی معیشت کے لیے مارچ کا مہینہ خوشخبری لے آیا۔ اس مہینے کرنٹ اکاؤنٹ سرپلس 1.2 ارب ڈالر کی ریکارڈ سطح پر پہنچ گیا، جو ملکی تاریخ کا بلند ترین ماہانہ کرنٹ اکاؤنٹ سرپلس ہے۔

(جاری ہے)

اس نمایاں بہتری کے ساتھ مالی سال 2024-25 کے ابتدائی نو ماہ میں کرنٹ اکانٹ کا مجموعی سرپلس 1.8 ارب ڈالر تک پہنچ گیا، جو معاشی بحالی کی جانب ایک خوش آئند قدم ہے۔

اس مثبت رجحان کی ایک بڑی وجہ ترسیلات زر میں ریکارڈ اضافہ ہے جو مارچ میں 4 ارب ڈالر کی سطح پر پہنچ گئیں۔ اس کے ساتھ ساتھ برآمدات میں بھی سالانہ بنیادوں پر 8.7 فیصد کا نمایاں اضافہ ریکارڈ کیا گیا۔ماہرین کے مطابق ان معاشی اشاریوں میں بہتری سے سرمایہ کاروں کا اعتماد بحال ہو رہا ہے اور معیشت استحکام کی جانب گامزن ہے۔