روس کا یوکرینی دارالحکومت کیف پر حملہ، 9 افراد ہلاک

حملہ ایک جنگی جرم ہے جو شہریوں کے خلاف کیا گیا ہے،یوکرائنی صدر کی مذمت

جمعرات 24 اپریل 2025 13:10

کیف (اُردو پوائنٹ اخبارتازہ ترین - این این آئی۔ 24 اپریل2025ء)یوکرین کے دارالحکومت کیف میں روسی میزائل اور ڈرون حملے میں 9 افراد ہلاک جبکہ 6 بچوں سمیت 63 افراد زخمی ہو گئے۔بین الاقوامی میڈیا کے مطابق روس کی جانب سے یوکرین کے جنوب میں میزائل اور ڈرون حملے کیے گئے۔

(جاری ہے)

ان حملوں میں مزدوروں کو لے جانے والی بس کو نشانہ بنایا گیا جس میں 9 افراد ہلاک جبکہ 40 زخمی ہوئے۔یوکرین کے صدر زیلنسکی نے واقعے کہ شدید مذمت کرتے ہوئے کہا کہ یہ حملہ ایک جنگی جرم ہے جو شہریوں کے خلاف کیا گیا ہے۔روس کی جانب سے میزائل حملوں میں رہائشی عمارتوں کو بھی نقصان پہنچا ۔