باغبان سخت گرمی و خشک موسم کے باعث پھلدار پودوں کو پانی کو کمی نہ آنے دیں ، اسسٹنٹ ڈائریکٹر زراعت توسیع پسرور

جمعہ 25 اپریل 2025 13:50

سیالکوٹ (اُردو پوائنٹ اخبارتازہ ترین - اے پی پی۔ 25 اپریل2025ء) اسسٹنٹ ڈائریکٹر زراعت توسیع پسرورڈاکٹر سجاد حیدر نے کہا ہے کہ باغبان سخت گرمی و خشک موسم کے باعث پھلدار پودوں خاص کر جامن کو پانی کو کمی نہ آنے دیں۔ انہوں نے کہا کہ پانی کی کمی سے لیف مائنر جامن کے پتوں پر حملہ آور ہو کر اسے نقصان پہنچا سکتاہے لہٰذاسخت گرمی و خشک موسم کے باعث باغبان جامن کو پانی کو کمی نہ آنے دیں تاکہ جامن کی پیداوار کو نقصان سے بچایاجاسکے۔

انہوں نے کہا کہ ماہرین اثمار کے مطابق جوں جوں موسم گرماکی شدت میں اضافہ ہوتاہے اس کے ساتھ ساتھ درجہ حرارت میں اضافہ لیف مائنر کے ذریعے پتوں کو نقصان پہنچانے کاموجب بھی بن سکتاہے۔ انہوں نے کہاکہ اگر پانی کی مناسب مقدار فراہم نہ کی جائے تو پیداوار بری طرح متاثر ہو سکتی ہے۔

(جاری ہے)

انہوں نے کہاکہ پھلدار پودوں کو ہر 6 سے8دن کے وقفہ سے پانی کی فراہمی جاری رکھنی چاہیے تاہم اگر موسم بہتر ہو تو یہ وقفہ 8 سے10 دن بھی کیاجاسکتاہے۔

انہوں نے کہاکہ گھریلو مکھیاں، شہد کی مکھیاں، جوئیں اور دوسرے حشرات پولی نیشن میں اہم کردار ادا کرتے ہیں۔ انہوں نے بتایا کہ لیف مائنر کے ساتھ ساتھ سفید مکھی، سکیل، پتے کھانے والی سنڈی، پھل کی مکھی بھی حملہ آور ہو سکتی ہے۔ انہوں نے کہاکہ باغبان ضرررساں کیڑوں کا حملہ روکنے کیلئے ماہرین زرعت کی مشاورت سے مناسب زہروں کا سپرے کریں ۔