Live Updates

بولر کا ایکشن نوٹ کرنا امپائر اور ریفری کا کام ہے‘محمد رضوان

کمبی نیشن میں تبدیلی کرنی پڑتی ہے ایمرجنگ کو بھی کھلانا ہوتا ہے لیکن ہمیں پوائنٹس ٹیبل کی کوئی پریشانی نہیں‘گفتگو

ہفتہ 26 اپریل 2025 11:55

لاہور(اُردو پوائنٹ اخبارتازہ ترین - این این آئی۔ 26 اپریل2025ء)پی ایس ایل 10 میں افتخار احمد اور کولن منرو کی لفظی جنگ پر محمد رضوان کا بیان آگیا۔لاہور میں میڈیا سے گفتگو کرتے ہوئے ملتان سلطانز کے کپتان محمد رضوان نے کہا کہ منرو اور افتخار کے درمیان ایکشن پر بات ہوئی تھی، بولر کا ایکشن نوٹ کرنا امپائر اور ریفری کا کام ہوتا ہے۔انہوں نے کہا کہ جب ہارتے ہیں تو چیزیں مشکل ہوتی ہیں، غلطیوں پر قابو پانے کی کوشش کریں گے۔

(جاری ہے)

محمد رضوان نے کہا کہ سلطانز کی ٹیم میں ناتجربہ کار بولرز آتے ہیں، ہماری فیلڈنگ میں غلطیاں ہیں، یہاں پر کسی بیٹر کو بار بار چانس نہیں دے سکتے۔انہوں نے کہا کہ کمبی نیشن میں تبدیلی کرنی پڑتی ہے ایمرجنگ کو بھی کھلانا ہوتا ہے لیکن ہمیں پوائنٹس ٹیبل کی کوئی پریشانی نہیں ہے۔واضح رہے کہ ملتان سلطانز کے کپتان محمد رضوان اور اسلام آباد یونائیٹڈ کے کھلاڑی کولن منرو پر میچ فیس کا 30 فیصد جرمانہ عائد کیا گیا ہے۔دونوں کھلاڑی پی ایس ایل کے کوڈ آف کنڈکٹ کے لیول 2 کی خلاف ورزی کے مرتکب قرار پائے گئے ہیں۔