مہمند جرگہ کی کوشش سے 34سالہ دشمنی دوستی میں تبدیل

فریقین کاقبائلی رسم و رواج کے مطابق قران پاک پر ہاتھ رکھ سوگند اٹھاکر ایک دوسرے کو اللہ کی رضا کیلئے معاف کرنے کا اعلان ،بھائیوں کی طرح رہنے کا عہد

اتوار 27 اپریل 2025 19:30

غلنئی(اُردو پوائنٹ اخبارتازہ ترین - این این آئی۔ 27 اپریل2025ء) ضلع مہمند جرگہ کی کوشش سے 34سالہ دشمنی دوستی میں تبدیل ہوگئی،فریقین نے جرگے کے سامنے قبائلی رسم و رواج کے مطابق قران پاک پر ہاتھ رکھ سوگند اٹھاکر ایک دوسرے کو اللہ کی رضا کیلئے معاف کرنے کا اعلان کیا،ایک دوسرے کو گلے لگاکر آئندہ بھائیوں کی طرح رہنے کا عہد کرلیا۔تفصیلات کے مطابق تحصیل یکہ غنڈ حفیظ کور میں اوس خان عطا اللہ اور سمیع اللہ کی34سالوں سے اپنے چچازاد بھائیوں حاجی محمد حسن ایکسین ر عبدالقیوم اور محمد شفیق ساتھ پچھلے 34سال سے جاری دشمنی ختم کرکے راضی نامہ کرلیا۔

کئی عشروں سے جاری دشمنی میں فریقین کے تین افراد جان بحق اور ایک زخمی ہوا تھا۔ جرگہ مشران ملک سیف اللہ ملک نور حیات سابق ایم پی اے نثار مومند مفتی تسلیم الحق ،ملک ظاہر خان اور ملک افسال کے پچھلے دو سالوں کی مسلسل کوششوں سے فریقین نے باہمی رضامندی سے بغلگیر ہوکر راصی نامہ کرلیا۔

(جاری ہے)

اس موقع پر مفتی تسلیم الحق نے اپنے خطاب میں کہا کہ جو لوگ اپس میں صلح کرتے ہیں ان لوگوں کیلئے اللہ تعالی نے جنت واجب کیا ہے اور جو لوگ رشتے ٹوٹ پھوٹ کر چھوڑ جاتے ہیں ان لوگوں کو جہنم واصل ہے ،ایک مسلمان کی خوشحالی سارے مسلمانوں کی خوشحالی ہے بہترین انسان وہ ہے جس کی وجہ سے معاشرے میں خیر پھیل جائے۔

ملک سیف اللہ نے کہا کہ ہمارے رواج میں جرگہ ہمارے لئے عذر ہے جرگے نے جو بھی فیصلہ کیا وہ ہم سب کو قابل قبول ہوگا اس فیصلے میں کسی بھی فریق کو کوئی پیسے یا وڑ یا پڑ لفظ کسی کیلئے مقرر نہیں اور نہ ہی عذر مقرر کی ہے اس لئے ہم جرگہ مشران نے مشاورت کے بعد جامعہ مسجد یکہ غنڈ میں راضی نام کرلیا۔سابقہ ایم پی اے نثار مومند نے کہا کہ پچھلے دو سالوں کی مسلسل کوششوں سے بلآخر وہ دن آگیا جس کا ہم سب کو انتظار تھا آج وہ دو بھائی جن کے درمیان پچھلے کئی عشروں سے کسی ناخوشگوار واقعے کے وجہ سے اختلاف پیدا گئے تھے وہ سب ختم ہوگئے۔

اس موقع پر فریقین نے قران کریم پر ہاتھ رکھ کر حلف اٹھایا اور ایک دوسرے کو معاف کرکے آئندہ بھائیوں کی طرح رہنے کا عہد کد کرلیا۔فریقین نے راضی نامہ کرنے پر جرگہ مشران کا شکریہ ادا کیا۔