انٹرنیشنل باسکٹ بال کیمپ اسلام آباد میں اختتام پذیر ہوگیا

تربیتی کیمپ میں کھلاڑیوں کی بھرپور شرکت، امریکی کوچز نے ٹریننگ دی

پیر 28 اپریل 2025 12:51

اسلام آباد(اُردو پوائنٹ اخبارتازہ ترین - این این آئی۔ 28 اپریل2025ء)فیڈرل باسکٹ بال ایسوسی ایشن کے زیر اہتمام منعقدہ بین الاقوامی باسکٹ بال ٹریننگ اینڈ کوچنگ کیمپ اسلام آباد میں اختتام پذیر ہوگیا۔ فیڈرل باسکٹ بال ایسوسی ایشن کے جنرل سیکرٹری اوج ظہور کے مطابق تربیتی کیمپ میں نوجوانوں کھلاڑیوں نے بھرپورشرکت کرتے ہوے اپنی صلاحیتوں کو بہتر بنانے کیلے عصر حاضر کی ٹریننگ حاصل کی۔

(جاری ہے)

امریکی ادارے سی ٹی آئی اسپورٹس سے تعلق رکھنے والے معروف کوچز لوک ایلی اور جیکب کم نے بحریہ یونیورسٹی میں مختلف سیشنز کے دوران باسکٹ بال پلیرز کو فٹنس، سکلز، تکنیک، کمبینیشن، اٹیک اور دیگر شعبوں میں بہتری کے حوالے سے آگاہ کیا۔ اوج ظہور نے کہاکہ ہم امریکن کوچز لوک ایلی اور جیکب کم کے بے حد شکر گزار ہیں جنہوں نے ہمارے نوجوان کھلاڑیوں کے ساتھ اپنا قیمتی تجربہ، علم اور جذبہ بانٹا۔

کھلاڑیوں اور پاکستانی کوچز کو کیمپ کے دوران بہت کچھ سیکھنے کو ملا جبکہ تربیتی کیمپ کیلے بحریہ یونیورسٹی کے بھرپور تعاون پرانکے بھی شکرگزار ہیں جن کی بدولت ایک انٹرنیشنل اسٹینڈرڈ کی سہولیات کی فراہمی کو ممکن بنایا گیا۔کیمپ کے آخری روز کھلاڑیوں کے درمیان مقابلے کروانے سمیت تمام شرکا کو سرٹیفکیٹس بھی تقسیم کے گے۔