Live Updates

پاکستانی اسکواش پلیر ٹاپ 50میں جگہ بنانے میں ناکام

پی ایس اے رینکنگ جاری، نور زمان کی چار درجہ تنزلی

پیر 28 اپریل 2025 12:54

پاکستانی اسکواش پلیر ٹاپ 50میں جگہ بنانے میں ناکام

اسلام آباد(اُردو پوائنٹ اخبارتازہ ترین - این این آئی۔ 28 اپریل2025ء)پاکستانی اسکواش پلیرز پی ایس اے رینکنگ میں اپنی جگہ بہتر بنانے میں ناکام ہو گئے،گزشتہ دو سالوں کے کوی پاکستانی پلیر ٹاپ ففٹی رینکنگ میں جگ نا بنا سکا۔ پروفیشنل اسکواش ایسوسی ایشن(پی ایس ای)کی تازہ عالمی درجہ بندی کے مطابق کے پاکستان کے اشعب عرفان ورلڈ رینکنگ میں 57ویں اورمحمد عاصم خان 58ویں نمبر پر ہیں۔

(جاری ہے)

ورلڈ انڈر-23 چیمپئن شپ کا ٹائٹل جیتنے والے نور زمان عالمی درجہ بندی میں چار درجے تنزلی کیساتھ 64ویں نمبر پر آ گئے ہیں جبکہ ناصر اقبال بھی دو درجے نیچے گر کر 77ویں پوزیشن پر پہنچ گئے ہیں۔ پاکستان میں اسکواش کی زبوں حالی کی بڑی وجوہات میں کوچنگ کے دیرینہ مسائل اور سینئر کھلاڑیوں کی کارکردگی میں عدم تسلسل شامل ہیں۔ ورلڈ رینکنگ میں مصری کھلاڑیوں مصطفی اصل پہلے اور علی فراج دوسرے نمبر پر ہیں۔